पुण्यात कुख्यात टोळी प्रमुखांच्या नातेवाईकांनाच उपमुख्यमंत्री अजित पवार यांच्या राष्ट्रवादी काँग्रेस पक्षाकडून तिकीट देण्यात आलं आहे. त्यामुळे अनेकांच्या भुवया उंचावल्या आहेत. या उमेदवारांना जनतेना नाकारते की स्वीकारते? ते पाहणं आता औत्सुक्याचं आहे.
तुरुंगातून लढवणार निवडणूक
मिळालेल्या माहितीनुसार, प्रभाग क्रमांक २३ मधून राष्ट्रवादी काँग्रेसने लक्ष्मी उदयकांत आंदेकर आणि सोनाली वनराज आंदेकर यांना उमेदवारी जाहीर केली आहे. विशेष म्हणजे, या दोन्ही महिला सध्या 5 कोटी 40 लाखांच्या खंडणी प्रकरणात तुरुंगात आहेत. न्यायालयाने त्यांना केवळ उमेदवारी अर्ज भरण्यासाठी सशर्त परवानगी दिली होती, त्यानुसार 27 डिसेंबर रोजी त्यांनी आपले अर्ज दाखल केले आहेत. आता त्या तुरुंगातूनच निवडणूक लढवणार असल्याचे स्पष्ट झाले आहे.
शिवसेनेने 15 नावं दिली पण भाजपने वाचून चर्चाच बंद केली, ‘त्या’ उमेदवारांची यादी मटा ऑनलाईनच्या हाती
टोळीयुद्धाची पार्श्वभूमी आणि राजकीय आश्रय
पुण्यातील गुन्हेगारीचा इतिहास पाहता आंदेकर आणि कुमकर टोळीतील संघर्ष सर्वश्रुत आहे. 1 सप्टेंबर 2024 रोजी माजी नगरसेवक वनराज आंदेकर यांची हत्या करण्यात आली होती, ज्याचा सूड म्हणून गोविंद उर्फ आयुष कुमकर याची हत्या करण्यात आली. याप्रकरणी टोळीप्रमुख बंडू आंदेकरसह 13 जणांवर गुन्हे दाखल आहेत. अशातच, गुन्हेगारी पार्श्वभूमी असलेल्या कुटुंबाला राजकीय मुख्य प्रवाहात स्थान दिल्याने सामान्य पुणेकरांमधून संताप व्यक्त होत आहे.
गजा मारणेच्या पत्नीलाही तिकीट
केवळ आंदेकर कुटुंबच नव्हे, तर पुण्यातील आणखी एक कुख्यात नाव म्हणजे गजा मारणे. त्याच्या पत्नी जयश्री मारणे यांनाही अजित पवार यांच्या राष्ट्रवादीने उमेदवारी जाहीर केली आहे. एका बाजूला गुन्हेगारी मोडीत काढण्याच्या वल्गना करायच्या आणि दुसऱ्या बाजूला गुन्हेगारीशी संबंधित व्यक्तींच्या नातेवाईकांना उमेदवारी द्यायची, या दुटप्पी धोरणामुळे विरोधकांनी सत्ताधाऱ्यांवर टीकेची झोड उठवली आहे.Pune Municipal Election : चंद्रकांत दादांना विधानसभेत नडणाऱ्या माजी नगरसेवकाचं भाजपने तिकीट कापलं, पण अमोल बालवडकरांनी गेम फिरवला
निवडणुकीत रंगात येणार गुन्हेगारी विरुद्ध नैतिकता?
बंडू आंदेकर यानेही अपक्ष किंवा इतर मार्गाने निवडणूक लढवण्याची तयारी दर्शवली आहे. मात्र, आंदेकर कुटुंबातील महिला सदस्यांना थेट पक्षाचे तिकीट मिळाल्याने पुण्याच्या राजकारणाचे ‘गुन्हेगारीकरण’ होत असल्याची चर्चा आता जोर धरू लागली आहे. तुरुंगात राहून या उमेदवारांना प्रचाराचे कोणते नियम लागू होतात आणि मतदार त्यांना कसा प्रतिसाद देतात, हे पाहणे महत्त्वाचे ठरेल.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा