२०१७ मध्ये मुंबई महापालिकेची अखेरची निवडणूक झाली. त्यात काँग्रेसनं ३१ जागा जिंकल्या होत्या. शिवसेना आणि भाजप स्वबळावर लढले. अनेक प्रभागांमध्ये याच दोन पक्षांमध्ये थेट लढत झाली. त्यामुळे बऱ्याच प्रभागांमध्ये काँग्रेसचे उमेदवार स्पर्धेतही नव्हते. तब्बल ६२ प्रभागांमध्ये काँग्रेसचा मोठा पराभव झाला. आता त्याच ६२ जागा काँग्रेसनं वंचितला दिल्याची माहिती समोर आली आहे. लोकमतनं याबद्दलचं वृत्त दिलं आहे.
BMC Election 2026: शिंदेंचे 2 ‘धुरंधर’ भाजपला नडले, जागावाटपात अडून बसले; 52 जागांची ऑफर असताना 90 जागा मिळवल्या
वंचित २० विशिष्ट जागा हव्याच होत्या. मात्र यातील काही जागा काँग्रेसनं त्यांना सोडलेल्या नाहीत. काँग्रेसनं वंचितला ६२ जागा सोडल्या आहेत. यातील एका जागेचा अपवाद वगळता अन्य सगळ्याच जागांवर काँग्रेस गेल्या निवडणुकीत तिसऱ्यापासून आठव्या क्रमांकावर फेकली गेली होती. २०१७ मध्ये प्रकाश आंबेडकरांच्या वंचितनं ७ जागा लढवल्या होत्या. त्यावेळी वंचितचं नाव भारतीय रिपब्लिकन पक्ष असं होतं. भारिपला एकाही प्रभागात हजारपेक्षा अधिक मतं घेता आली नव्हती. भारिप उमेदवारांचा दारुण पराभव झाला होता.
BMC Election 2026: कांबळे, साळवे, खरात; भाजपनं संधी नाकारताच सारेच जोरात; अपक्ष लढणार, भाजपमध्ये मोठी बंडाळी
२०१७ मध्ये काँग्रेसनं मुंबईत ३१ जागा जिंकल्या. पण अनेक प्रभागांमध्ये काँग्रेसला मोठा फटका बसला. विजयी उमेदवार आणि काँग्रेसचे पराभूत उमेदवार यांना मिळालेल्या मतांमध्ये खूप अंतर होतं. प्रभाग क्रमांक ११४ मध्ये तर काँग्रेसचा उमेदवार थेट आठव्या स्थानावर फेकला गेला होता. तर अन्य एका प्रभागात काँग्रेसचा उमेदवार सातव्या स्थानी होता. या सगळ्या जागा काँग्रेसनं वंचितच्या गळ्यात मारल्या आहेत. दुसऱ्या क्रमांकावरील काही मोजक्या जागांचा अपवाद सोडल्यास वंचितला देण्यात आलेल्या जवळपास सगळ्याच जागांवर काँग्रेसची धूळधाण उडाली होती.