खासदार, आमदार, माजी नगरसेवकांच्या भाऊ, वहिनी, पत्नी, मुलांनाही तिकीट मिळाले. आगामी स्थानिक स्वराज्य संस्थांच्या निवडणुकीत खासदार, आमदारांच्या नातेवाईकांना उमेदवारी न देण्याचा निर्णय मुख्यमंत्री देवेंद्र फडणवीस यांनी स्वत: घेतला होता. मात्र या निर्णयाची भाजपला मुंबई महापालिका निवडणुकीत आठवण राहिली नसल्याचे चित्र उमेदवारी जाहीर झाल्यानंतर दिसले. सोमवारी भाजपने दिलेल्या एबी फॉर्ममध्ये उमेदवारांचे वडील, भाऊ हे विद्यमान तसेच माजी खासदार, आमदार राहिले आहेत. हाच कित्ता काँग्रेससह, शिवसेना उबाठा पक्षानेही गिरवला आहे. त्यामुळे वर्षानुवर्षे राहिलेला कार्यकर्ता उमेदवारीपासून वंचित राहिल्याची चर्चा आहे.

भाजप

माजी खासदार किरीट सोमय्या यांचे पुत्र आणि माजी नगरसेवक नील सोमय्या यांना मुलुंडमधील प्रभाग क्रमांक १०७ मधून पुन्हा उमेदवारी देण्यात आली आहे. विधानसभा अध्यक्ष राहुल नार्वेकर यांचे बंधू मकरंद नार्वेकर यांना प्रभाग क्रमांक २२६ मधून तर वहिनी हर्षिता नार्वेकर यांना प्रभाग क्रमांक २२७ मधून उमेदवारी देण्यात आली आहे. माजी आमदार राज पुरोहित यांचे पुत्र आकाश हेही निवडणुकीच्या रिंगणात आहेत.
Ravindra Dhangekar : पत्नीला लढवू द्या, चिरंजीव नको; भाजपकडून कोंडी, शिवसेना नेते धंगेकरांचा मोठा निर्णय, म्हणाले आमच्या रक्तात…

शिवसेना (उबाठा)

आमदार सुनील प्रभू यांचा मुलगा अंकित याला गोरेगावातील प्रभाग क्रमांक ५४ मधून उमेदवारी मिळाली आहे. माजी आमदार प्रकाश फातर्पेकर यांची कन्या सुप्रदा यांना चेंबूर येथील प्रभाग क्रमांक १५० मधून, आमदार मनोज जामसूतकर यांची पत्नी सोनम यांना प्रभाग क्रमांक २१० मधून, मानखुर्द-शिवाजीनगरमधील प्रभाग क्रमांक १४१ आणि १४२ मधून अनुक्रमे विठ्ठल लोकरे आणि सुनंदा लोकरे यांना तर दादर येथील प्रभाग क्रमांक १९४ मधून आमदार सुनील शिंदे यांचे बंधू निशिकांत यांना तर माजी नगरसेवक चंगेझ मुलतानी यांचा मुलगा झीशान यालाही उमेदवारी देण्यात आली आहे.

काँग्रेस

आमदार अस्लम शेख यांचा मुलगा हैदर याला मालाड पश्चिमेकडील प्रभाग क्रमांक ३४ मधून उमेदवारी मिळाली आहे.
Kishori Pednekar : साहेब, माझा AB फॉर्म? ‘मातोश्री’वर किशोरी पेडणेकरांची विचारणा, नव्या चेहऱ्याला संधीची चर्चा, अखेर मोठा निर्णय

राष्ट्रवादी काँग्रेस

आमदार नवाब मलिक यांचे भाऊ कप्तान मलिक, बहिणी डॉ. सईदा खान आणि बुशरा परवीन मलिक यांना उमेदवारी देण्यात आली आहे.