मध्य रेल्वेतर्फे छत्रपती शिवाजी महाराज टर्मिनस ते कल्याण या दरम्यान दोन आणि हार्बर मार्गावर सीएसएमटी ते पनवेलदरम्यान दोन अशा एकूण चार लोकल फेऱ्या चालवल्या जाणार आहेत. पश्चिम रेल्वेवर चर्चगेट ते विरारदरम्यान एकूण आठ लोकल फेऱ्या सोडल्या जाणार आहेत. सीएसएमटी, दादर, चर्चगेट, मरिन लाइन्स, गिरगाव अशा रेल्वे स्थानकांवर अधिक गर्दी अपेक्षित आहे. यामुळे गर्दी विभागण्यासाठी आरपीएफ आणि जीआरपीच्या अतिरिक्त कर्मचाऱ्यांची नियुक्ती करण्यात येणार आहे.
Mumbai Railway Update : दादर रेल्वे स्थानकांत आणखी एक नवा प्लॅटफॉर्म, कुठे-कसा होणार फायदा? रेल्वे अधिकाऱ्यांची महत्त्वाची माहिती

विशेष फेऱ्यांचे वेळापत्रक

मध्य रेल्वे (मुख्य मार्ग)सीएसएमटी ते कल्याण – मध्यरात्री 1.30 वाजता, कल्याण ते सीएसएमटी – मध्यरात्री 1.30 वाजता

हार्बर : सीएसएमटी ते पनवेल- मध्यरात्री 1.30 वाजता

पनवेल ते सीएसएमटी – मध्यरात्री 1.30 वाजता

पश्चिम रेल्वे : चर्चगेट ते विरार – मध्यरात्री 1.15, 2.00, 2.30 आणि 3.25

विरार ते चर्चगेट – मध्यरात्री 12.15, 12.45, 1.40 आणि 3.05
Local Train Update : आसनगाव – कसारा मार्गावर गर्दी कमी होणार, पुढच्या वर्षी मध्य रेल्वेची मोठी सुविधा; प्रवाशांना मोठा दिलासा

भुयारी मेट्रोची उद्या रात्रभर सेवा

भुयारी मेट्रो-3 ही बुधवारी प्रथमच रात्रभर सुरू राहणार आहे. या मार्गिकेवर एरव्ही रात्री 10.30 वाजता अखेरची गाडी धावते. मात्र ‘थर्टी फर्स्ट’च्या निमित्ताने बुधवारी रात्री 10.30 ते गुरुवारी पहाटे 5.55 दरम्यान विशेष फेऱ्या चालविल्या जाणार आहेत. यामुळे ही मार्गिका बुधवारी पहाटे 5.55 ते गुरुवार रात्री 10.30 अशी 40 तासांहून अधिक वेळ अखंड धावणार आहे. कुठल्याही मेट्रोबाबत हे देशात पहिल्यांदाच होत आहे.

भुयारी मेट्रो मार्गिका-3 वर सध्या दररोज सरासरी 298 फेऱ्या चालवल्या जातात. त्याद्वारे सरासरी पावणे दोन लाख प्रवासी ये-जा करतात. 31 डिसेंबरला ही मेट्रो रात्रभर धावणार आहे. नियमित सेवा रात्री 10.30 वा. थांबल्यानंतर विशेष फेऱ्या पहाटे 5.55 वाजेपर्यंत असतील. पहाटे 5.55 वाजता गुरुवार, 1 जानेवारी 2026 च्या नियमित फेऱ्या सुरू होतील, असे मुंबई मेट्रो रेल कॉर्पोरेशन लिमिटेडने (एमएमआरसीएल) म्हटले आहे.