नेमकं काय घडलं?

गुहागर समुद्र किनाऱ्यावर तीन पर्यटक पोहोण्यासाठी उतरले होते. मात्र यावेळी हे तीन पर्यटक समुद्रातील आलेल्या मोठ्या लाटेबरोबर ओढले गेले. हे तिघंजण बुडू लागले. त्यांनी आरडाओरडा केल्याने स्थानिकांच्या लक्षात आलं की काही जण बुडत आहेत. स्थानिकांनी तात्काळ प्रसंगावधान राखत या तीनही पर्यटकांना बाहेर काढायला सुरूवात केली. या तीन पर्यटकांमध्ये एका अल्पवयीन मुलाचाही समावेश होता. समुद्रकिनाऱ्यावरील जेटस्कीच्या मदतीने बुडणाऱ्या व्यक्तींना किनाऱ्यावर आणण्यात आले. Ratnagiri News: ख्रिसमससाठी कोकणात आले, पण शेवटच्या दिवशी एकुलत्या एका लेकीचा दुर्दैवी अंत; 13 वर्षीय आंचलसोबत काय घडलं?

तिघांना वाचवायला गेले पण…

त्यांना तात्काळ गुहागर येथील ग्रामीण रुग्णालयात दाखल करण्यात आले, मात्र वैद्यकीय अधिकाऱ्यांनी त्यातील एकाला मृत घोषित केले. पर्यटकांना वाचवण्यासाठी गुहागर येथील समर्थ वॉटरस्पोर्ट्स कर्मचारी मुजाहिंद मिरकर,शद्दाम बागकर गुहागर नगरपंचायत कर्मचारी,प्रदेश तांडेल जिवरक्षक आशिष सांगळे जिवरक्षक यांनी मोठी कामगिरी बजावली.

गुहागरातील पोलिस प्रशासन, जीव रक्षक, पर्यटन व्यावसायिक, ग्रामस्थ येथे येणाऱ्या पर्यटकांना समुद्रात पोहायला जाऊ नये अशी सूचना कायम देत असतात. त्याचे पालन पर्यटकांनी करावे म्हणजे मौजमजा करण्यासाठी आलेल्या कोणालाही अशा दुर्दैवी घटनेला सामोरे जावे लागणार नाही असा आवाहन प्रशासनाकडून करण्यात आले आहे. त्यामुळे कोकणात आलेल्या पर्यटकांनी समुद्रकिनाऱ्याचा आनंद घ्यावा मात्र यावेळी स्थानिकांकडून व प्रशासनाकडून देण्यात आलेल्या सूचनांचे तंतोतंत पालन करावे अतिसाहस करण्यासाठी उत्साहाच्याभरात समुद्रात जाऊ नये असं मत या क्षेत्रातील जाणकारांकडून व्यक्त करण्यात येत आहे. पर्यटकांच्या कोकण ट्रिपचा असा भयानक अंत होईल असा कोणीच विचारही केला नव्हता.