नेमकं काय घडलं?

काल रात्री पावणेबाराच्या सुमारास नायगाव, ता. चाकूर, नायगाव मुळकी उमरगा रोडवर बारमध्ये हा प्रकार घडला आहे. आहे. प्राथमिक स्थितीत असे सांगितले जात आहे कि, तिघेजन बारवर आले त्यांनी सिगारेट मागितली, सिगारेट दिली नाही म्हणून तिघांनी अज्ञातांनी बार मालक गजानन कासले 42 रा. नायगाव यांना अक्षरशा लाकडाने बेदम मारहाण केली, त्यातच बारमालक कासले यांचा मृत्यू झाला. सिगारेट मागितली व ती दिली नाही म्हणून खून केला, असे सांगितले तरी ही सहज घडलेली घटना नसून दरोड्यासारखा प्रकार असल्याची चर्चादेखील सुरु आहे.

सीसीटीव्हीमध्ये धक्कादायक उलगडा

बार मालकास मारहाण करणा-यांपैकी दोघेजण काठीसह हॉटेलमधील मॅनेजरच्या रूममध्ये येऊन त्यांनी गल्ल्याचा ड्रॉवर उघडून गल्ल्यातील नोटा खिशात भरत असल्याचे सीसीटीव्ही फुटेजमध्ये दिसत आहे. त्यामुळे हा प्रकार दरोड्याचा असावा अशी शक्यता व्यक्त करण्यात येत आहे. जिल्ह्यात ते अज्ञात गल्ल्यातील नोटा खिशात भरत असताना घड्याळात रात्रीचे ११.५० वाजले होते. यावेळी तिघा अज्ञातांच्या मारहाणीमध्ये बारमधील अजय भरत मोरे रा. अजनी, ता. अहमदपूर हे जखमी झाले आहेत.

वरिष्ठ पोलीस अधिकाऱ्यांनी घटनास्थळास भेट दिली असूनप्रकार सहज घडलेला कि ‘दरोडा’ हे पोलीस तपासात निष्पन होईल. बालाजी नामदेव कासले यांच्या फिर्यादीवरून अज्ञात तिघा इसमांच्या विरोधात चाकूर पोलिसांत जबरी चोरी करून खून केल्या प्रकरणी गुन्हा दाखल करण्यात आला आहे. या अज्ञातांनी बार मालकास काठीने मारहाण केली. हे तिघेजन एका मोटारसायकलवरून आल्याचेही सीसीटीव्हीमध्ये दिसून येत आहे.