Pune News : आरोपीने ‘ख्रिसमस पार्टी करायला घरी येशील का, तुला चॉकलेट देतो,’ असे आमिष दाखवून अल्पवयीन मुलीला आपल्या घरी बोलावून घेतले.
नेमकं काय घडलं?
या प्रकरणी पीडित मुलीच्या आईने काळेपडळ पोलिस ठाण्यात तक्रार दिली आहे. पोलिसांनी दिलेल्या माहितीनुसार, आरोपी व तक्रारदार महिला एकाच सोसायटीत वास्तव्यास आहेत. बुधवारी (२४ डिसेंबर) रात्री साडेआठ वाजताच्या सुमारास आरोपीने ‘ख्रिसमस पार्टी करायला घरी येशील का, तुला चॉकलेट देतो,’ असे आमिष दाखवून अल्पवयीन मुलीला आपल्या घरी बोलावून घेतले. त्यानंतर सदनिकेचा दरवाजा बंद करून त्याने मुलीशी अश्लील कृत्य केले.घाबरलेल्या पीडित मुलीने झालेला हा प्रकार आपल्या घरी सांगितल्यानंतर तक्रार दाखल करण्यात आली. बालकांचे लैंगिक अत्याचारांपासून संरक्षण कायद्यान्वये (पोक्सो) आरोपीविरुद्ध गुन्हा दाखल करण्यात आला असून, त्याला अटक करण्यात आली आहे.
Pune Crime : मॅडम, दुसऱ्यांशी बोलू नका, शिक्षिकेला प्रपोज अन् मैत्रिणीला वॉशरुममध्ये ‘तो’ प्रश्न, पुण्यात विद्यार्थी नव्हे, ‘विद्यार्थिनी’चे प्रताप
महिलेचा रस्त्यात विनयभंग
दुसरीकडे, पादचारी महिलेशी अश्लील कृत्य करून तिला धमकावल्या प्रकरणी लष्कर पोलिसांनी एका जणाच्या विरोधात गुन्हा दाखल केला आहे. याबाबत संबंधित महिलेने पोलिसांकडे तक्रार दिली आहे.
Supriya Sule | डबकं, समंदर आणि मछली; प्रशांत जगतापांच्या प्रश्नावर सुप्रिया सुळे काय बोलून गेल्या
बलराज संदुपटला (रा. संगमवाडा, भवानी पेठ) असे आरोपीचे नाव आहे. तक्रारदार महिला लष्कर भागात काम करतात. २३ डिसेंबर रोजी रात्री सव्वाआठ वाजताच्या सुमारास त्या कामावरून घरी जात असताना आरोपीने त्यांना अडवून अपमानास्पद शब्द वापरून विनयभंग केला; तसेच ‘तुझ्या मुलांना खोट्या पोलिस केसमध्ये अडकवतो,’ अशी धमकी देऊन पाठलाग करून त्रास दिला. अखेर घाबरलेल्या महिलेने पोलिसांकडे धाव घेऊन तक्रार दाखल केली.Pune Crime : झटपट पटापट! लग्नाच्या दुसऱ्याच दिवशी डॉक्टर बायकोशी वाजलं, 24 तासात जोडपं वेगळं, पुण्यात ऐतिहासिक काडीमोड
पादचारी तरुणीशी अश्लील कृत्य
दरम्यान, अन्य एका पादचारी तरुणीशी अश्लील कृत्य केल्याप्रकरणी दुचाकीस्वाराविरुद्ध विश्रांतवाडी पोलिसांनी गुन्हा दाखल केला आहे. याबाबत २२ वर्षीय तरुणीने विश्रांतवाडी पोलिस ठाण्यात तक्रार दिली आहे. तक्रारदार तरुणी २२ डिसेंबर रोजी रात्री साडेदहा वाजताच्या सुमारास शतपावली करत होती. त्या वेळी दुचाकीवरून आलेल्या आरोपीने तरुणीशी अश्लील कृत्य केले. तरुणीने आरडाओरडा केल्यानंतर आरोपी घटनास्थळावरून पसार झाला.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा