नेमकं काय घडलं बैठकीत?

आज दुपारी अजित पवार गट आणि शरद पवार गट यांच्यात जागावाटपासाठी एक महत्त्वाची बैठक पार पडली. सूत्रांच्या माहितीनुसार, या बैठकीत अजित पवारांच्या गटाकडून शरद पवारांच्या पक्षाला अत्यंत जाचक अटी घालण्यात आल्या. अजितदादांच्या गटाने शरद पवार गटाला पुण्यात केवळ ३५ जागा देण्याचा प्रस्ताव ठेवला. एवढचं नाही या ३५ जागांवरही उमेदवारांनी अजित पवारांच्या ‘घड्याळ’ या चिन्हावरच निवडणूक लढवावी, अशी अट घालण्यात आली. स्वतःच्या पक्षाचे अस्तित्व पणाला लावणारा हा प्रस्ताव शरद पवार गटाला पूर्णपणे अमान्य होता. त्यामुळे ही युती होणे अशक्य असल्याचे स्पष्ट होताच, शरद पवार गटाच्या नेत्यांनी बैठकीतून काढता पाय घेतला.Washim News: आईचा आधारवड कोसळला! पती मनोरुग्ण तर दोन कोवळी पोरंही गेली; मामा-भाच्यांच्या भयानक मृत्यूने वाशिम हळहळले

हॉटेल शांताईमध्ये ‘मविआ’ची संयुक्त बैठक

अजित पवारांसोबतची बोलणी फिस्कटताच, शरद पवार गटाने वेळ न दवडता थेट महाविकास आघाडीच्या घटक पक्षांशी संपर्क साधला. पुण्यातील हॉटेल शांताई येथे तातडीने काँग्रेस, उद्धव ठाकरेंची शिवसेना आणि शरद पवारांची राष्ट्रवादी यांची संयुक्त बैठक सुरू झाली. या बैठकीमुळे पुण्यात आता मविआ विरुद्ध महायुती असाच सामना रंगणार असल्याचे स्पष्ट झाले आहे.

दिग्गज नेत्यांची उपस्थिती

या महत्त्वपूर्ण बैठकीला तिन्ही पक्षांतील प्रमुख स्थानिक नेते उपस्थित आहेत. शरद पवार गटाकडून विशाल तांबे, अंकुश काकडे, मनाली भिलारे, अश्विनी कदम आणि आमदार बापूसाहेब पठारे, तर काँग्रेसकडून अरविंद शिंदे, अभय छाजेड आणि रमेश बागवे आणि ठाकरे गटाकडून (शिवसेना) वसंत मोरे, गजानन थरकुडे आणि संजय मोरे हे बैठकीत हजर आहेत.

पुणे महापालिकेत काका-पुतण्या एकत्र येतील या आशेवर असलेल्या कार्यकर्त्यांना या घडामोडीमुळे मोठा धक्का बसला आहे. मात्र, घड्याळ चिन्हावर लढण्यास नकार देत शरद पवार गटाने आपण आपल्या भूमिकेशी ठाम असल्याचे पुन्हा एकदा दाखवून दिले आहे. आता हॉटेल शांताईमधील या बैठकीतून जागावाटपाचे कोणते नवीन सूत्र ठरते, याकडे लक्ष लागलेले आहे.