केंद्रात आणि राज्यात सत्तेत असलेल्या महायुतीचे प्रमुख घटकपक्ष असलेल्या भाजप-शिवसेनेने पुणे महापालिकेची निवडणूक एकत्रित लढविण्याचा निर्णय दोन्ही पक्षांच्या शहरातील वरिष्ठ नेत्यांच्या बैठकीत घेण्यात आला. त्याला आठवडा उलटून गेल्यानंतरही जागावाटपाचा गुंता कायम आहे. त्या पार्श्वभूमीवर गुरुवारी भाजपच्या एका शहर पदाधिकाऱ्याने शिवसेनेच्या वरिष्ठ पदाधिकाऱ्यांसमवेत चर्चा केली. या एकत्रित बैठकीत शिवसेनेने विद्यमान जागांसह एकूण ३५ जागा मागितल्या. मात्र, भाजपने अवघ्या १५ जागांचा प्रस्ताव शिवसेनेकडे सादर केला. त्यावर शिवसेनेच्या पदाधिकाऱ्यांनी असमाधान व्यक्त करून जागा वाढवून मागितल्या. मात्र, भाजपच्या पदाधिकाऱ्याने स्पष्ट नकार देऊन ‘पक्षाच्या वरिष्ठ नेत्यांकडे बोला,’ असा निरोप दिल्याचे सूत्रांनी सांगितले.

Pune Crime : झटपट पटापट! लग्नाच्या दुसऱ्याच दिवशी डॉक्टर बायकोशी वाजलं, 24 तासात जोडपं वेगळं, पुण्यात ऐतिहासिक काडीमोड
शिवसैनिक अस्वस्थ
जागावाटपाच्या चर्चेत भाजपकडून शिवसेनेचा अपमान होत आहे, असे अजिबात वाटत नाही. मात्र, पक्षातील आणि पक्षाबाहेरील काही व्यक्ती गैरसमज पसरवून शिवसैनिकांना अस्वस्थ करण्याचे काम करत आहेत. महायुती व्हावी, यासाठी आम्ही शेवटपर्यंत प्रयत्न करणार आहोत. त्यानंतर २९ डिसेंबरला उमेदवार यादी जाहीर करून अर्ज भरण्याची प्रक्रिया सुरू केली जाईल, असे शिवसेनेच्या उपनेत्या डॉ. नीलम गोऱ्हे यांनी पत्रकार परिषदेत सांगितले.

बैठक धंगेकरांविनाच
शिवसेनेचे महानगरप्रमुख रवींद्र धंगेकर यांना बाजूला ठेवूनच महायुतीची चर्चा करण्याची भूमिका भाजपने घेतली आहे. त्यामुळे महापालिका निवडणुकीत महायुतीच्या घोषणेसाठी झालेल्या भाजप-शिवसेनेची बैठक धंगेकर यांच्या अनुपस्थितीत झाली; तर गुरुवारी भाजप आणि शिवसेनेच्या पदाधिकाऱ्यांमध्ये झालेल्या बैठकीलाही धंगेकरांना आमंत्रित केले नसल्याचे सूत्रांनी सांगितले.
Pune Crime: निलंबित कृषी सेवकाचा धुडगूस, कृषी अधीक्षक कार्यालयात घुसला अन्… काय कारण?
शिवसेनेच्या ४० स्टार प्रचारकांची यादी जाहीर
पुणे : पुण्यासह राज्यातील महापालिका निवडणुकांसाठी उपमुख्यमंत्री एकनाथ शिंदे यांच्या शिवसेनेने ४० स्टार प्रचारकांची यादी प्रसिद्ध केली आहे. त्यात विधान परिषदेच्या उपसभापती डॉ. नीलम गोऱ्हे, खासदार श्रीरंग बारणे या पुणे जिल्ह्यातील उपनेत्यांचा स्टार प्रचारकांच्या यादीत समावेश आहे. पक्षाचे सचिव संजय मोरे यांनी जाहीर केलेल्या या यादीत उपमुख्यमंत्री एकनाथ शिंदे यांच्यासह सर्व मंत्री, आमदार आणि ज्येष्ठ नेत्यांचा या यादीत समावेश आहे. पुण्यासह विविध महापालिकांमध्ये पक्षाची ताकद वाढविण्यासाठी स्टार प्रचारकांना मैदानात उतरवून निवडणूक प्रचार अधिक आक्रमक आणि संघटित पद्धतीने राबविण्याचे नियोजन करण्यात आले आहे.

Prashant Jagtap : काँग्रेसचा एक निर्णय आणि प्रशांत जगताप यांच्या प्रवेशाचा मार्ग मोकळा, कुणी केला फोन? पुण्यात मोठी घडामोड
शिवसेनेने आधी ३५ जागांची मागणी केली होती. त्यावर भाजपने पंधरा जागा देऊ केल्या आहेत. मात्र, आमची २५ ते ३० जागांची अपेक्षा आहे. महायुती सन्मानजनक असावी, ही उपमुख्यमंत्री एकनाथ शिंदे यांची भूमिका असून, ती न झाल्यास योग्य निर्णय घेऊ. जागा वाटपाबाबत सकाळपर्यंत प्रगती न झाल्यास आम्ही साठ जागांवरील इच्छुकांना निवडणूक अर्ज भरण्याची तयारी करून ठेवण्याच्या सूचना देणार आहोत. – डॉ. नीलम गोहे, उपनेत्या, शिवसेना