कोरेगाव भीमा येथील विजयस्तंभ अभिवादन सोहळ्यासाठी 1 जानेवारी 2026 रोजी लाखो नागरिक दाखल होणार आहेत. पुणे-नगर महामार्गावरील वाहतूक कोंडी टाळण्यासाठी बुधवार, 31 डिसेंबर रोजी दुपारी 2 वाजल्यापासून वाहतुकीत बदल करण्यात येणार आहेत.

Bandra Skywalk: वांद्र्यात बनतोय सर्वात महागडा स्कायवॉक, 123 कोटींचा प्रकल्प अंतिम टप्प्यात; कुठून-कुठे जोडणार?

वाहतूक बंदी का?

राज्याच्या विविध भागांतून नागरिक विजयस्तंभ अभिवादन समारंभासाठी उपस्थित राहणार आहेत. या पार्श्वभूमीवर बुधवार दुपारपासून नगर रस्त्यावर वाहतुकीत बदल लागू करण्यात येणार असून, हे बदल 1 जानेवारी 2026 रोजी मध्यरात्रीपर्यंत लागू राहतील, अशी माहिती पुणे शहर वाहतूक शाखेचे पोलीस उपायुक्त हिम्मत जाधव यांनी दिली.

पर्यायी मार्ग कोणते?

पुण्याहून नगरकडे जाणारी वाहने खराडी बायपासमार्गे मुंडवा, मगरपट्टा चौक, पुणे–सोलापूर रस्ता, केडगाव चौफुला, न्हावरा आणि शिरूर मार्गे नगर रस्त्याकडे वळवण्यात येतील. सोलापूर रस्त्यावरून आळंदी आणि चाकणकडे जाणारी वाहने हडपसर, मगरपट्टा चौक आणि खराडी बायपासमार्गे विश्रांतवाडीकडे जातील. तेथून ही वाहने पुढे आळंदी आणि चाकणकडे जातील. मुंबईहून नगरकडे जाणाऱ्या वाहनांनी वडगाव मावळ, चाकण, खेड, मंचर, नारायणगाव आणि आळेफाटा मार्गे नगरकडे प्रवास करावा.

मुंबईहून नगरकडे जाणारी हलकी वाहने वडगाव मावळ, चाकण, खेड, पाबळ आणि शिरूर मार्गे नगरकडे जातील. कोल्हापूर, सांगली, सातारा आणि कात्रज येथून मांतरवाडी फाटा व मगरपट्टा चौकमार्गे नगरकडे जाणाऱ्या वाहनांच्या चालकांनी हडपसर आणि केडगाव चौफुला मार्गे शिरूरच्या दिशेने प्रवास करावा.

Purandar Airport: नवी मुंबईनंतर महाराष्ट्रात नवं विमानतळ; येत्या वर्षात कामाला सुरूवात, मुख्यमंत्र्यांनी काय सांगितलं?

इंद्रायणी नदीवरील आळंदी–तुळापूर पूल अवजड वाहनांसाठी बंद ठेवण्यात येणार असून, केवळ भाविकांच्या हलक्या वाहनांनाच या पुलावरून जाण्याची परवानगी दिली जाईल. विश्रांतवाडी आणि लोहगावमार्गे वाघोलीकडे जाणारी अवजड वाहतूक थांबवण्यात येणार आहे.

अवजड वाहनांवर बंदी

शहरात अवजड वाहनांवर बंदी घालण्यात आली आहे. लोणी काळभोर परिसरातील थेऊर फाटा, खडकी येथील हॅरिस ब्रिज, विश्रांतवाडीतील बोपखेल फाटा, बाणेर येथील राधा चौक, सिंहगड रस्त्यावरील नवले पूल, कात्रज चौक, कोंढव्यातील खाडी मशीन चौक, फुरसुंगीतील मांतरवाडी फाटा आणि मार्कल पुलाकडून शहरात येणाऱ्या सर्व प्रकारच्या अवजड वाहनांना मनाई करण्यात आली आहे.

लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा