नेमकी घटना काय?

दरम्यान या प्रकरणी पोलीस अधीक्षक कार्यालयातर्फे देण्यात आलेल्या माहितीनुसार, खुलताबाद जवळील देवळाना शिवारात एका अल्पवयीन मुलीचा विवाह सोहळा पार पडणार असल्याची गुप्त माहिती पोलिसांना मिळाली होती. विशेष म्हणजे, मुलीचे वय अद्याप लग्नाचे झाले नसतानाही, केवळ नात्यातील मुलाकडून मागणी आल्याने पालकांनी लग्नाची घाई केली होती. अंगणात मांडव पडला होता, नातेवाईकांची लगबग सुरू होती आणि ही अल्पवयीन मुलगी ‘नवरी’ म्हणून सजून बोहल्यावर चढण्याच्या तयारीत होती.
Chhatrapati Sambhajinagar News : राहत्या घरातच कत्तलखाना, किचन आणि टेरेसवर ४ फूट खोल हौद, जनावरांचे अवशेष साडल्याने महाराष्ट्रात खळबळ

पोलिसांचा ‘दूत’ बनून प्रवेश….

घटनेचे गांभीर्य ओळखून दामिनी पथकाच्या प्रमुख एपीआय सरला गाडेकर आणि त्यांच्या टीमने तातडीने घटनास्थळ गाठले.पोलिसांनी मुलीच्या शैक्षणिक कागदपत्रांची तपासणी केली असता, तिचे वय केवळ १६ वर्षे ९ महिने असल्याचे समोर आले.
MNS : राज्यात ठाकरे बंधू एकत्र, पण छत्रपती संभाजीनगरमध्ये मनसेला मोठं भगदाड

खडक समुपदेशन आणि कारवाईचा इशारा

मुलीच्या हातांत जिथे पुस्तके असायला हवीत, तिथे संसाराची धुरा सोपवणाऱ्या पालकांना पोलिसांनी कायद्याचा धाक दाखवला. बालविवाह करणे हा गंभीर गुन्हा असून, यासाठी २ वर्षे सक्तमजुरी आणि २ लाख रुपये दंडाची शिक्षा होऊ शकते, असे पोलिसांनी बजावले. “ज्या वयात स्वप्न पाहायची, त्या वयात मातृत्व नको,” या शब्दांत केलेल्या समुपदेशनानंतर पालकांनी आपली चूक मान्य केली.पोलिसांच्या मध्यस्थीनंतर, मुलगी सज्ञान होईपर्यंत तिचे लग्न लावणार नाही, असे लेखी आश्वासन पालकांनी दिले. या यशस्वी कारवाईमुळे एका अल्पवयीन मुलीला तिचे शिक्षण सुरू ठेवण्याची नवी संधी मिळाली आहे.