याबाबत रौफ उस्मान शेख (वय ३५, सध्या रा. भूमकर चौक, नन्हे, मूळ रा. ख्वाजानगर, भोकर, नांदेड) यांनी आंबेगाव पोलिस ठाण्यात तक्रार दिली आहे. पोलिसांनी दिलेल्या माहितीनुसार, मयत जावेद पठाण हा तक्रारदार रौफ शेख याचा भाऊ आहे.

काय आहे प्रकरण?

जावेद पुण्यात एका खासगी ठिकाणी काम करत होता. त्या वेळी आरोपी संदीप भुरके याच्या नात्यातील एका तरुणीशी त्याची ओळख झाली होती. या ओळखीचे पुढे प्रेमसंबंधात रूपांतर झाले. या प्रेमप्रकरणास आरोपी संदीप भुरके याचा विरोध होता. सोमवारी (२२ डिसेंबर) सायंकाळी पावणेसातच्या सुमारास जावेद पठाण हा आंबेगाव परिसरातील गायमुख परिसरात थांबला असताना आरोपी संदीप आणि त्याच्या साथीदाराने त्याला गाठले. तरुणीसोबतचे प्रेमसंबंध तोडण्यास सांगितल्यावरून त्यांच्यात वाद झाला. या वादातून आरोपींनी जावेदवर तीक्ष्ण शस्त्राने वार केले.
Nisha Shinde : माझी निशा मला हाक मारेल… लेकीच्या अंत्यसंस्कारानंतर बाप दोन दिवस स्मशानाबाहेर बसून, मुंबई गलबलली, मी तिला…
गंभीर जखमी झालेल्या जावेदला तातडीने खासगी रुग्णालयात दाखल करण्यात आले. त्यानंतर त्याला ससून रुग्णालयात हलविण्यात आले. मात्र, उपचारादरम्यान रात्री उशिरा त्याचा मृत्यू झाला. घटनेची माहिती मिळताच पोलिस उपायुक्त मिलिंद मोहिते आणि सहायक आयुक्त राहुल आवारे यांनी घटनास्थळी भेट दिली. आरोपी संदीप भुरके आणि त्याचा साथीदार पसार झाले असून, त्यांना करण्यासाठी पोलिसांची पथके रवाना केल्याची माहिती आंबेगाव पोलिस ठाण्याचे वरिष्ठ निरीक्षक शरद झिने यांनी दिली. पोलिस निरीक्षक गजानन चोरमले तपास करीत आहेत.
Pune Crime : मॅडम, दुसऱ्यांशी बोलू नका, शिक्षिकेला प्रपोज अन् मैत्रिणीला वॉशरुममध्ये ‘तो’ प्रश्न, पुण्यात विद्यार्थी नव्हे, ‘विद्यार्थिनी’चे प्रताप

प्रेमसंबंध मान्य नव्हते

खून झाललेला तरुण जावेद पठाण हा तक्रारदार रौफ शेख याचा नातेवाइक आहे. आरोपी संदीप भुरकेच्या नात्यातील एका तरुणीसोबत त्याचे चार-पाच वर्षांपासून प्रेमसंबंध होते. हे सर्व जण एकाच गावचे राहणारे आहेत. संदीपला त्याच्या नात्यातील तरुणीचे जावेदसोबत असलेले प्रेमसंबंध मान्य नव्हते. त्यात जावेद त्या तरुणीला गावाकडून आपल्यासोबत पुण्यात घेऊन आला होता. त्यामुळे संदीप त्याच्यावर चिडला होता.