मोबाइल ॲप, व्हॉट्सअपवरून ‘डिजिटल’ तिकीट मिळत असताना, आता मशिनमधून तिकीट काढायला जाणाऱ्या प्रवाशांना सक्तीने डिजिटल तिकीट घ्यावे लागत आहे. त्यामुळे या मशिनचा उपयोग कशासाठी, असा प्रश्न प्रवाशांनी उपस्थित केला आहे.
Pune Metro : पुण्यात मेट्रो स्थानकांच्या नावांत बदल, फलक बदलण्याचं काम सुरू; कुठे-कोणत्या स्टेशनची नावं बदलली?

वनाझ ते रामवाडी आणि स्वारगेट ते पिंपरी-चिंचवड मार्गावर प्रवाशांना सक्ती

वनाझ ते रामवाडी आणि स्वारगेट ते पिंपरी-चिंचवड या मार्गांवर मेट्रो सेवा सुरू आहे. तिकीट खिडकीवर प्रवाशांचा वेळ जाऊ नये, यासाठी प्रत्येक स्थानकावर तीनपेक्षा अधिक स्वयंचलित ‘व्हेडिंग मशिन’ बसवली आहेत. मात्र, सध्या या मशिनमध्ये तिकीटासाठी कागद उपलब्ध नसल्याची तक्रार प्रवासी करत आहेत. कागदी तिकीट मिळत असल्यामुळे अनेक प्रवासी व्हेडिंग मशिनचा वापर करत होते.
Pune Metro : पुणेकरांचा प्रवास अधिक सुखकर, हिंजवडी ते शिवाजीनगर मेट्रो लवकरच सुरू; कसा असेल 23 किमीचा मार्ग?

तिकीट खिडकी अनेकदा बंद, डिजिटल तिकिट काढावे लागते

कागदी तिकीट स्कॅनिंगसाठी सोयीचे आहे. त्यामुळे या मशिनचा वापर करणाऱ्या प्रवाशांना पुन्हा डिजिटल तिकिटाकडेच नेण्याचा प्रयोग ‘महाराष्ट्र मेट्रो रेल्वे कॉर्पोरेशन’ने कोणतीही पूर्वकल्पना न देता केला आहे. तिकीट खिडकीवर कागदी तिकीट दिले जाते, असा दावा ‘महामेट्रो’कडून केला जात असला, तरी अनेकदा तिकीट खिडकीच बंद असते. त्यामुळे प्रवाशांना डिजिटल तिकिटच काढून प्रवास करावा लागतो.

तक्रारींकडे मेट्रो प्रशासनाचे दुर्लक्ष, प्रवाशांना नाहक त्रास

मेट्रोच्या प्रवाशांकडून डिजिटल सेवेचा लाभ घेण्यासाठी मेट्रो कार्डचा वापर केला जातो. या कार्डचा वापर करणाऱ्यांची संख्या वाढत असताना त्याबाबतच्या तक्रारीही वाढल्या आहेत. त्या सोडवण्याकडे मेट्रो प्रशासनाचे दुर्लक्ष होत आहे. कार्डबाबत तक्रार घेऊन मेट्रोच्या कर्मचाऱ्यांकडे गेल्यानंतर ते बँकेत जाण्यास सांगतात. बँकेत तक्रार करायला गेलेल्या प्रवाशांना मेट्रोकडे परत पाठवले जाते. यामुळे प्रवाशांना नाहक त्रास सहन करावा लागतो आह