वाशिम जिल्ह्यातील कारंजा नगर परिषद मध्ये मनसेचे नेते हरीश हेडा यांच्या पत्नी अलका हरीश हेडा ह्या नगराध्यक्ष पदासाठी अपक्ष निवडणुकीच्या रिंगणात उभ्या होत्या. पतीने मनसेत असताना जनसामान्यांसाठी केलेल्या कार्यामुळे पत्नीला निवडणुकीच्या रिंगणात उतरवले. मनसेने अधिकृत उमेदवारी न दिल्याने त्यांनी अपक्ष निवडणूक लढवली मतमोजणीअंती त्यांना 83 मते मिळाली.
समृद्धी महामार्गावरुन शिर्डीला जाताना भक्तांवर काळाची झडप, दर्शनापूर्वी भीषण अपघात; दोघांचा दुर्दैवी अंत
खचून न जाता त्यांनी सोशल मीडियावर एक भावनिक पोस्ट लिहिली, “जिथे दुसऱ्या उमेदवारांना लाखो रुपये खर्च करून सुद्धा व राजकारणात धुरंदर असलेल्यांना सुद्धा अपयश आले त्यात मी तर निवडणूक रिंगणात पहिल्यांदाच उतरले होते, त्यातही माझ्या समाजाने व माझ्या पतीच्या समाजाने आम्हाला सहकार्य नाही केले केवळ याचीच खंत आहे पण मला मिळालेली शुद्ध आणि पवित्र अशी ही 83 मते आहेत. ज्या करता मला केवळ 7 हजार रुपये खर्च आला. निवडणूक आम्ही संपूर्ण इमानदारीने लढलो लाखो रुपयांचे आमिष येऊन सुद्धा आम्ही डगमगलो नाही हे विशेष.
Washim Crime : ‘छेडछाडीची तक्रार का दिली?’, बेदम मारहाण करत तरुणाला संपवलं; ‘माझा भाऊ परत आणून द्या’ म्हणत कुटुंबाचा आक्रोश
सामान्य कुटुंबात जन्म घेऊन राजकारण हा विषय कायम आपला नाहीच अशी व्याख्या केलेल्या घरात मोठं होणं. अचानक राजकारणात पदार्पण करत त्यातून 83 मते मिळवणे खूप मोठी गोष्ट आहे. या अपयशाने मी किंचितही खचलेले नाही व खचणार सुद्धा नाही कारण माझी ही पहिली च पायरी होती मी शेवटपर्यंत लढले यातच माझे यश समझते, माझ्या या यशाबद्दल व मला मतदान करणाऱ्या मतदारा राज्याची मी कायम ऋणी राहील मतदारांचे लाख लाख अभिनंदन. आता 83 लोकांची नगरध्यक्ष होऊन त्यांची कामे करत राहणार, 83 चे 83000 केव्हा होतील लक्षात सुद्धा येणार नाही.” असे या भावनिक पोस्ट मध्ये त्यांनी लिहिले.

दरम्यान, केवळ 83 मताचे 83 हजार कधी होणार हे लक्षात सुद्धा येणार नाही, असे स्वप्न पाहणाऱ्या अलका हरीश सारडा (राठोड) यांच्या हिम्मतबाज पोस्टला पाठिंबा असणाऱ्या आणि ज्याच्या साथीने हे स्वप्न पूर्ण करायचे होते त्या पतीचा अपघातात दुर्देवी अंत झाल्याने आता हे स्वप्न पूर्ण होण्यासाठी जरी पाच वर्ष वाट पहावी लागणार असली तरी मात्र आज त्यांचं स्वप्न पूर्ण करणारा आयुष्यातून कायमचा निघून गेल्याने हेडा कुटुंबियांवर आघात झाला आहे. मुलीला शिकवणी वर्गातून घरी सोडल्यानंतर दुचाकीवरून बाहेर पडल्यानंतर भरधाव पिकअपने त्यांच्या दुचाकीला जबर धडक दिल्याने हेडा यांचा जागीच मृत्यू झाला.