नवी मुंबई विमानतळाचे अडीच महिन्यांपूर्वी उद्घाटन झाल्यानंतर या विमानतळावरून प्रत्यक्षात प्रवास करण्याची प्रतीक्षा संपली आहे. या विमानतळावर इंडिगोचे बंगळुरूहून येणारे पहिले विमान सकाळी 8 वाजता उतरेल. त्यानंतर इंडिगोचे विमान 8.40 वाजता हैदराबादकडे झेपावले. अकासा एअर, एअर इंडिया एक्स्प्रेस, स्टार एअर यांची विमानेही पहिल्या दिवशी सेवेत असणार आहेत.
Navi Mumbai News : अत्याधुनिक डिझाइन, 100 कोटी खर्च…नवी मुंबईत नवं रेल्वे स्थानक, प्रवाशांची मोठी सुविधा, कसं-कुठे आहे स्टेशन?
पहिल्या दिवशी सुमारे चार हजार प्रवासी या विमानतळावरून प्रवास करतील. त्यांच्या स्वागतासाठी विमानतळ व्यवस्थापकांकडून विविध सांस्कृतिक कार्यक्रमाचे आयोजन करण्यात आले आहे. पहिल्या दिवशी प्रवासादरम्यान विमानतळावर आणि विमानातही प्रवाशांना भेटवस्तू, बक्षिसे दिली जाणार आहेत.
Pune Metro : पुणेकरांचा प्रवास अधिक सुखकर, हिंजवडी ते शिवाजीनगर मेट्रो लवकरच सुरू; कसा असेल 23 किमीचा मार्ग?
पहिल्या दिवशी नवी मुंबई ते गोवा, कोची, बेंगळुरू आणि हैदराबाद अशी विमानसेवा असणार आहे. विमानतळ व्यवस्थापनाबरोबरच काही विमान कंपन्यांकडूनही प्रवाशांच्या स्वागतासाठी विशेष योजना आखण्यात आली आहे. त्यामुळे हा प्रवास प्रवाशांसाठी सुखद धक्का देणारा ठरेल, असा विश्वास अदानी विमानतळ समूहाचे संचालक जीत अदानी यांनी व्यक्त केला.
Local Train Update : नवी मुंबईत प्रवाशांना मोठा दिलासा, रेल्वे फेऱ्यांमध्ये वाढ; अतिरिक्त फेऱ्या कोणत्या मार्गावर सुरू?
दरम्यान, नवी मुंबईतून विमानतळाकडे जाणाऱ्या सर्व रस्त्यांची डागडुजी, साफसफाई करण्यात आली आहे. विमानतळ परिसरातही चोख सुरक्षा व्यवस्था ठेवण्यात आली आहे.

नवी मुंबई आंतरराष्ट्रीय विमानतळ हे देशातील ग्रीनफिल्ड विमानतळ आहे. या विमानतळावरील पहिला प्रवास सर्व प्रवाशांच्या लक्षात राहावा, यासाठी विमानतळ प्रशासनाच्या वतीने विशेष योजना आखण्यात आल्या आहेत. प्रवाशांच्या स्वागतासाठी पाच वेगवेगळ्या ठिकाणी पाच गोष्टी प्रवाशांना आश्चर्यचकित करतील, असे सांगण्यात येते. या प्रवासादरम्यान विमानतळावर आणि विमानातही प्रवाशांना वेगळ्या भेटवस्तू, बक्षिसे दिली जाणार आहेत.

कमळाच्या आकाराचे हे आकर्षक विमानतळ असून, विमानतळाच्या आतील रचनाही अत्याधुनिक पद्धतीने करण्यात आली आहे. इथे महाराष्ट्राची सांस्कृतिक प्रतिमाही पाहायला मिळणार आहे असे व्यवस्थापकांनी सांगितले.