यावेळी राष्ट्रवादी काँग्रेसच्या पक्ष कार्यालयात झालेल्या पत्रकार परिषदेमध्ये सुप्रिया सुळे यांना पुणे शहर आणि प्रशांत जगताप यांच्या संदर्भात प्रश्न विचारले जात असताना सुप्रिया सुळे यांनी अजब वक्तव्य केल आहे. “तुम लोगो को डबके मे रहने का बहुत शोक है, मे समंदर की मछली हुँ… आता पुण्याची खूप चर्चा झाली शहराची खूप चर्चा झाली. या जगामध्ये खूप काही बोलण्यासारखं आहे”. त्यामुळे सुप्रिया सुळे या शहराबद्दल प्रश्न विचारल्यावर उलट पत्रकारांनाच तुम्हाला डबक्यात राहायची सवय आहे असं म्हटल्यामुळे सुप्रिया सुळे नेमकं डबक कशाला म्हणाल्या? यावरून पुण्याच्या राजकारणात अनेक चर्चा रंगू लागल्या आहेत.

सुप्रिया सुळे यांच्या म्हणण्यानुसार प्रशांत जगताप यांचा प्रश्न हा डबक आहे की पुण्याचे प्रश्न खूप झाले जगात बोलण्यासारखं खूप आहे असं म्हणणं म्हणजे पुणे शहर डबक आहे? असा प्रश्न आता विचारला जात आहे. त्यामुळे एकीकडे प्रशांत जगताप यांचा राजीनामा आणि दुसरीकडे सुप्रिया सुळे यांचे हे वक्तव्य यावरून आता नवा वाद रंगण्याची शक्यता आहे.

दरम्यान, प्रशांत जगताप यांच्या राजीनाम्यानंतर सुप्रिया सुळे याच पुणे आणि मुंबईचं तसेच राज्याचे नेतृत्व करतील असं त्यांनी यावेळेस ठासून सांगितलं. तर दुसरीकडे आणखी युती संदर्भात शरद पवारांना कोणताही प्रस्ताव आला नसल्याचे देखील सुप्रिया सुळे म्हणाल्या आहेत. त्यामुळे दोन राष्ट्रवादीच्या युती संदर्भात कधीपर्यंत निर्णय होणार? याकडे दोन्ही राष्ट्रवादीच्या कार्यकर्त्यांचे लक्ष लागून राहिले आहे.

एकीकडे सुप्रिया सुळे यांनी आपण पुणे, मुंबई तसेच राज्याचे नेतृत्व करणार असल्याचं सांगितलं असून दुसरीकडे प्रशांत जगताप यांनी सुद्धा राजीनाम्यानंतर आपली भूमिका स्पष्ट केली आहे. आपण राजीनामा दिला असला तरी राजकारण सोडणार नाही, आपण पुणे महापालिकेची निवडणूक लढवणार, असं प्रशांत जगताप यांनी जाहीर केलं आहे. त्यामुळे आता प्रशांत जगताप अपक्ष निवडणूक लढवणार की कोणत्या पक्षात प्रवेश करणार? याबाबत औत्सुकता निर्माण झाली आहे.