ऋषिकेश होळीकर, लातूर : लातूर जिल्ह्यातील अहमदपूर शहरात पूर्ववैमनस्यातून एका 26 वर्षीय तरुणाची चाकू व काठीने वार करून निर्घृण हत्या करण्यात आल्याची खळबळजनक घटना घडली आहे. याप्रकरणी अहमदपूर पोलीस ठाण्यात सहा जणांविरुद्ध भारतीय न्याय संहिता (BNS) 2023 अंतर्गत हत्येचा गुन्हा दाखल करण्यात आला आहे. यापैकी दोन आरोपी जखमी अवस्थेत रुग्णालयात उपचार घेत असून, चार आरोपी फरार आहेत. फरार आरोपींच्या शोधासाठी पोलिसांची विशेष पथके रवाना करण्यात आली आहेत.
घटनास्थळीच तरुणाचा मृत्यू
फिर्यादी उमेर खाजामौनोदीन बागवान आणि मयत शोएब इसाक बागवान (वय 26, रा. बागवान गल्ली, अहमदपूर) हे रात्री सुमारे 9 वाजेच्या सुमारास अबुबकर किराणा दुकानाजवळ थांबून बोलत होते. याचवेळी मागील भांडणाची कुरापत काढून सहा आरोपींनी संगनमत करून त्यांच्यावर हल्ला केला. आरोपींनी जीवे मारण्याच्या उद्देशाने चाकू व काठीने बेदम मारहाण केली. या हल्ल्यात शोएब बागवान गंभीर जखमी झाला आणि त्याचा घटनास्थळीच मृत्यू झाला. या प्रकरणी पोलिसांनी खालील सहा जणांविरुद्ध गुन्हा दाखल केला आहे.
Surupsingh Hirya Naik : गांधी परिवाराचे सच्चे सेवक; काँग्रेसचे एकनिष्ठ माजी मंत्री सुरुपसिंग हिऱ्या नाईक यांचे निधन
अरोपींची नावे
1. सिकंदर खलील शेख
2. समीर खलील शेख
3. आमीर खलील शेख
4. कलीम खलील शेख
5. गणीबी शेख
6. मालन बबलू शेख
हे सर्व आरोपी अहमदूरचे रहिवासी आहेत. या सहा आरोपींपैकी दोन आरोपी गंभीर जखमी असल्यानं रुग्णालयात उपचार घेत आहेत, तर उर्वरित चार आरोपी फरार असून त्यांच्या शोधासाठी विशेष पथके कार्यरत आहेत. दरम्यान, अहमदपूरपोलीस ठाण्यात आरोपींविरुद्ध गुन्हा रजि. नं. 830/2025 अन्वये भारतीय न्याय संहिता (BNS) 2023चे कलम 103(1), 118(2), 189(2), 191(2), 191(3), 190, 351(2)(3) आणि 352 अंतर्गत गुन्हा दाखल करण्यात आला आहे.
Nagpur Crime : प्रॉपर्टीचा वाद विकोपाला, काकाकडून पुतण्यावर गोळीबार; कुटुंबातील अंतर्गत भांडणातून भयंकर घटना
वरिष्ठ अधिकाऱ्यांची घटनास्थळी भेट
घटनेचे गांभीर्य लक्षात घेऊन लातूरचे पोलीस अधीक्षक अमोल तांबे आणि पोलीस उपअधीक्षक मंगेश चव्हाण यांनी अहमदपूर पोलीस ठाण्याला भेट देत तपासाची सविस्तर माहिती घेतली. अधिकाऱ्यांनी रात्री उशिरापर्यंत अहमदपूरमध्ये थांबून घटनास्थळाची पाहणी केली. उपविभागीय पोलीस अधिकारी अरविंद रायबोले यांच्या मार्गदर्शनाखाली पोलीस निरीक्षक विनोद मेत्रेवार, सहाय्यक पोलीस निरीक्षक संतोष केदासे, पोलीस उपनिरीक्षक रवी बुरकुले, आनंद श्रीमंगल, स्मिता जाधव तसेच कर्मचारी हनुमंत आरदवाड, तानाजी आरदवाड, बबन चपडे, चालक केंद्रे, राहुल कांबळे, भोपळे, पद्माकर पांचाळ, सतीष चव्हाण व होमगार्ड जावेद आदींनी तातडीने घटनास्थळी जाऊन पंचनामा केला. शहरात कायदा व सुव्यवस्था अबाधित राहावी यासाठी चोख पोलीस बंदोबस्त तैनात करण्यात आला असून, या प्रकरणाचा पुढील तपास सहाय्यक पोलीस निरीक्षक संतोष केदासे करत आहेत.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा