मिळालेल्या माहितीनुसार, दरोड्याच्या वेळी चार आरोपी घटनास्थळी आले होते. त्यापैकी तीन आरोपी बुरखा परिधान करून थेट दुकानात शिरले. त्यांनी दुकानातील कर्मचारी व ग्राहकांना बंदुकीचा धाक दाखवत घाबरवले. अचानक घडलेल्या या प्रकारामुळे दुकानात उपस्थित सर्वजण भयभीत झाले. काही क्षणांतच आरोपींनी दुकानातील सोन्याचे दागिने काढून घेतले. दरम्यान, चौथा आरोपी दुकानाबाहेर थांबून परिसरावर नजर ठेवत असल्याचे समोर आले आहे.

अत्यंत नियोजनबद्ध पद्धतीने अवघ्या काही मिनिटांत दरोडेखोरांनी मोठ्या प्रमाणात सोन्याचे दागिने लुटून घटनास्थळावरून पलायन केले. दरोडेखोर निघून गेल्यानंतर दुकानातील कर्मचाऱ्यांनी व स्थानिक नागरिकांनी सुटकेचा श्वास घेतला. घटनेची माहिती मिळताच परिसरात एकच गोंधळ उडाला. घटनेची माहिती मिळताच नवी मुंबई पोलिसांनी तात्काळ घटनास्थळी धाव घेतली.

Annual FASTag Pass 2025: AI, सॅटेलाइट आणि ‘पे ॲज यू गो’, टोल व्यवस्थेत होणार मोठा बदल; गडकरींनी सांगितली टोलमुक्तीची नवी आयडिया

परिसराची पाहणी करण्यात आली असून तपासासाठी डॉग स्क्वाडला पाचारण करण्यात आले आहे. तसेच, आसपासच्या परिसरातील सीसीटीव्ही कॅमेऱ्यांचे फुटेज तपासण्यात येत असून आरोपींच्या हालचाली शोधण्याचा प्रयत्न सुरू आहे. दरोडेखोरांचा शोध घेण्यासाठी पोलिसांनी विशेष तपास पथके तयार केली असून सर्व बाजूंनी तपास सुरू आहे.

सीवूड्ससारख्या गजबजलेल्या आणि उच्चभ्रू भागात दिवसाढवळ्या अशा प्रकारे सशस्त्र दरोडा पडल्याने नागरिकांच्या सुरक्षेचा प्रश्न ऐरणीवर आला आहे. व्यापारी वर्गाने पोलिसांकडून अधिक कडक सुरक्षा व्यवस्था व नियमित गस्त वाढवण्याची मागणी केली आहे.

पोलिसांकडून लवकरच आरोपींचा शोध घेऊन त्यांना अटक करण्यात येईल, असा विश्वास व्यक्त करण्यात येत असून या घटनेने संपूर्ण नवी मुंबईत खळबळ माजली आहे.