यंदा काँग्रेस, भाजप, राष्ट्रवादी आणि बहुजन रिपब्लिकन मंच असे चारही उमेदवार जोर लावत होते. एकूण ८९ हजार मतदार येथे आहेत. मात्र, यातही मोठ्या प्रमाणात दुबार मतदार असल्याच्या अनेक तक्रारी प्राप्त झाल्या. काँग्रेसचे शकूर नागानी यांना उमेदवारी दिल्याने पूर्वाश्रमीचे काँग्रेस नेते साजा सेठ यांनी राष्ट्रवादी काँग्रेसचे ‘घड्याळ’हाती घेतले. भाजपकडून बावनकुळे यांचे निकटवर्तीय अजय अग्रवाल यांना उमेदवारी देण्यात आली. या जागेवर दावा करणाऱ्या सुलेखा कुंभारे यांनी बहुजन रिपब्लिकन मंचाच्या माध्यमातून अजय कदम यांना रिंगणात आणले होते.

Nagpur Election Result: विदर्भात भाजपचा बावनकशी विजय; शंभरपैकी 52 नगराध्यक्ष विजयी, काँग्रेसच्या पारड्यात 21 जागा
तीन मुस्लिम उमेदवारांमुळे या समाजातील मतदारांमध्ये मोठ्या प्रमाणात फूट पडली. साजा सेठ यांनी पाच हजारांहून तर एमआयएमचे रहमान चार हजारांहून अधिक मते घेतली. तिकडे कुंभारे यांच्या समर्थानावर कदम यांनीही दहा हजारांहून अधिक मते पदरात पाडली. कदम यांनी सर्वच समाजांमधून मते घेतली. यंदा केवळ एकाच समाजातून मिळणाऱ्या मतांवर कोणचीही भट्टी शिजणार नाही, असे संकेत मिळत होते.

Nagpur Elections Results: महायुतीला ऐतिहासिक विजय, भाजप पहिल्या क्रमांकाचा पक्ष, नागपुरात 35 वर्षांनी पहिल्यांदाच हे घडलं
१,६०० मतांची आघाडी ‘कव्हर’
सुरुवातीच्या दोन फेऱ्यांमध्ये शकूर नागानी यांनी आघाडी घेतली. त्यानंतर चार फेऱ्यांमध्ये अग्रवाल आघाडीवर होते. सातव्या फेरीपासून नागानी यांनी आघाडी घेण्यास सुरुवात केली. ही आघाडी निर्णायक असल्याचे वाटू लागले. मात्र, चौदाव्या फेरीपासून अग्रवाल यांची स्थिती सुधारू लागली. तेराव्या फेरीत असलेली १,६०० मतांची आघाडी अचानक २०० मतांवर आली. त्यानंतरच्या तीन फेऱ्यांमध्ये अग्रवाल यांनी आघाडी घेत विजय नोंदविला.

मते अशी…
अजय अग्रवाल (भाजप): १३,९०७
शकूर नागानी (काँग्रेस): १३,८०४
अजय कदम (बरिमं): १२,५९८
शाहजहा सफात अहमद (राष्ट्रवादी) : ५,२२०
शकीबुर रहमान (एमआयएम) : ४,०२८