कोल्हापूरच्या शिरोळ तालुक्यातील आमदार अशोक माने यांना मतदारांना मोठा झटका दिला. शिरोळ नगर पंचायतीच्या निवडणुकीत अशोक माने यांची घराणेशाही मतदारांनी घरी बसवली. त्यांच्या कुटुंबातील तीन सदस्यांचा दारुण पराभव झाला. यामध्ये त्यांचा मुलगा, सून आणि पुतण्या यांचा समावेश आहे. अशोक माने यांना मतदारांनी त्यांच्याच होमपीचवर जोरदार झटका दिला. अशोकराव माने यांची सून सारिका अरविंद माने यांचा नगराध्यक्ष पदाच्या निवडणुकीत मोठ्या फरकानं पराभव झाला.
Solapur Election Result: पवारांचा खासदार एकटा नडला, भाजपला भारी पडला; अख्ख्या जिल्ह्यात फडणवीसांच्या शिलेदाराला धक्का
अशोक माने यांचे पुत्र अरविंद माने नगरसेवक पदासाठी निवडणूक लढत होते. त्यांचाही पराभव झाला. अशोक माने यांच्या पुतण्यालादेखील मतदारांनी नाकारलं. हातकणंगले मतदारसंघाचे आमदार असलेल्या अशोक माने यांच्याकडून घराणेशाही लादण्याचा प्रयत्न झाला. पण शिरोळच्या मतदारांनी त्यांची प्रयत्न हाणून पाडले. या निकालाची चर्चा अख्ख्या कोल्हापुरात आहे. शिरोळ नगर पालिकेत आमदार राजेंद्र पाटील-यड्रावकर यांची सत्ता संपुष्टात आली आहे. यड्रावकर यांनी माजी खासदार राजू शेट्टी आणि गणपतराव पाटील यांनी आव्हान दिलं होतं. शिरोळ नगर पालिकेत महायुती आणि ताराराणी आघाडी यांची युती होती.
Badlapur Ambernath Election Result: शिंदेंच्या होमपीचवर कमळ, सेनेच्या 2 बालेकिल्ल्यांना सुरुंग; फुटीनंतरच्या पहिल्याच निवडणुकीत दणका
अशोकराव माने नेमके कोण?
असोकराव माने कोल्हापूरच्या हातकणंगले विधानसभा मतदारसंघाचे आमदार आहेत. गेल्या वर्षी झालेल्या निवडणुकीत त्यांनी जनसुराज्य शक्ती पक्षाकडून निवडणूक लढवली. त्यांनी काँग्रेसच्या राजू आवळे यांचा ४६ हजार २४९ मतांनी पराभव केला. राजू आवळे २०१९ ते २०२४ या कालावधीत हातकणंगलेचे आमदार होते. २०१९ मध्ये अशोकराव माने जनसुराज्य शक्तीकडून विधानसभा लढले. त्यावेळी ते तिसऱ्या क्रमांकावर राहिले.