सोलापूर जिल्हा न्यायालयाने 13 वर्षीय बालिकेवर अत्याचार करणाऱ्या नराधमाला कठोर शिक्षा सुनावली आहे. शीतपेयात गुंगीच औषध घालून तेरा वर्षीय बालिकेवर अत्याचार करणाऱ्या नराधमास मरेपर्यंत जन्मठेपची शिक्षा सुनावण्यात आली आहे.
शीतपेयात गुंगीच औषध टाकून केला होता अत्याचार
आरोपी विकास शिंदें याने जून आणि जुलै २०१९ च्या दरम्यान 13 वर्षाच्या पीडितेस त्याच्या घरात बोलवून खाऊसाठी पैसे देतो, असे आमिष दाखवले होते. आरोपी विकास शिंदे हा पीडीत बालिकेच्या अज्ञानपणाचा गैरफायदा घेवून तिच्यावर वेळोवेळी शारीरीक आणि लैंगिक अत्याचार करत होता. आरोपीने पीडितेला शीतपेय थम्सअपमध्ये गुंगीचं औषध पाजले होते. शीतपेय पिल्यानंतर पीडीतेला चक्कर आली आणि त्या अवस्थेत त्याने पीडीतेवर अत्याचार केले. तसेच कोणाला सांगितले तर जीवे ठार मारण्याची धमकी दिली होती.
नराधमामुळे तेरा वर्षीय बालिका गर्भवती झाली
अल्पवयीन पीडितेवर सतत दोन महिने लैंगिक अत्याचार केल्याने पीडिता गर्भवती राहीली होती. ही बाब पीडितेच्या आईच्या लक्षात आल्यानंतर तिने पीडितेला त्याबाबत विचारणा केली तेव्हा, पीडितेने आरोपी विकास शिंदे याने तिच्या सोबत लाडूचे आमिष दाखवून आणि काहीतरी प्यायला देवून तिच्यावर शारीरीक आणि लैंगिक अत्याचार केल्याचे सांगितले. यानंतर पीडितेच्या आईने फौजदार चावडी पोलीस ठाणे येथे ताबडतोब फिर्याद दाखल केली होती.
कोर्टात पीडितेच्या आईची आणि डॉक्टरांची साक्ष महत्वाची ठरली
सदर खटल्यात डी.एन.ए. रिपोर्ट आणि पीडितेचे वय 13 वर्षे इतके लहान असताना आरोपीने तिच्यासोबत लैंगिक अत्याचार केला. पीडितेला काहीतरी गुंगीकारक पेय पाजून तिच्यावर अत्याचार केला, असा सरकार पक्षाच्या वतीने सरकारी वकिलांनी युक्तीवाद केला होता. या खटल्याच्या चौकशी दरम्यान न्यायालयात सरकार पक्षाकडून एकूण सात साक्षीदार तपासण्यात आले. यामध्ये पीडिता, फिर्यादी, डॉक्टर यांची साक्ष महत्वाची ठरली.
न्यायालयाने दोन्ही बाजूचा युक्तिवाद ऐकून घेतला. सोलापूर येथील जिल्हा व सत्र न्यायालयाने आरोपीस भा.द.वी. कलम 376 (3) प्रमाणे आजन्म कारावासाची शिक्षा आणि 20 हजार रुपये दंड, दंड न भरल्यास 2 महिने सक्त कारावास, अशी शिक्षा ठोठावली आहे. यामध्ये सरकार पक्षातर्फे सरकारी वकील प्रकाश जन्नु आणि शीतल डोके यांनी काम पाहिले. आरोपीतर्फे वकील एम. डी. सोलनकर यांनी युक्तिवाद केला. तसेच तपासी अंमलदार एसीपी ताकवले, कोर्ट पैरवी कोकणे आणि एलपीसी काळे यांनी तपास केला.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा