नंदुरबार तालुक्यातील जांभीपाडा येथील अजबसिंग महादू पाडवी (वय 65) यांची प्रगती पाहून व शेतीसह वडिलोपार्जित घराचा वाटणीचा राग लहान भाऊ गोविंद महादू पाडवी यास आला. त्या दोघा भावांमध्ये अनेक दिवसांपासून वाद होता.

अजबसिंग महादू पाडवी हे त्यांच्या घराच्या ओट्यावर बसले होते. यावेळी गोविंद पाडवी हा त्याठिकाणी कुऱ्हाड घेवून आला. भावाकडे बघून जोर जोरात ओरडू लागला तू आणि तुझा मुलगा असे मातुन गेले आहेत. तुम्ही मला कायमच त्रास देतात. मी आज तुम्हाला जिवंत सोडणार नाही, असे सांगत मोठा भाऊ अजबसिंग महादू पाडवी यांच्या डोक्यासह पोटावर कुऱ्हाडीने वार केला. यावेळीअजबसिंग पाडवी यांचा मुलगा जुगणू त्या ठिकाणी वडिलांना वाचवण्यासाठी आला असता गोविंद पाडवी शिवीगाळ करीत कुऱ्हाड त्या ठिकाणी टाकून पळून गेला.
Crime News: नाकात नळी, ऑक्सिजनवर असलेली विवाहित गर्लफ्रेंड मृत्यूपूर्वी म्हणाली – याला काही करु नका तो..
या हल्ल्यात अजबसिंग महादू पाडवी यांचे निधन झाले. जिल्हा रुग्णालयात त्यांचे शवविच्छेदन करण्यात आले. ही घटना १३ डिसेंबर रोजी सायंकाळी साडे सात वाजेच्या सुमारास नंदुरबार तालुक्यातील जांभीपाडा येथे घडली. घटनेची माहिती मिळताच अप्पर पोलिस अधिक्षक आशित कांबळे, उपविभागीय पोलिस अधिकारी संजय महाजन, उपनगरचे प्रभारी अधिकारी चौधरी, पोलिस उपनिरीक्षक देशमुख यांनी घटनास्थळी भेट दिली. तसेच सदर ठिकाणी ठसे तज्ञांनी येवून घडलेल्या घटने संदर्भातील काही नमुने घेतले.

याप्रकरणी नंदुरबार उपनगर पोलीस ठाण्यात जुगनू अजबसिंग पाडवी यांच्या फिर्यादीवरून गोविंद महादू पाडवी (रा. जांभीपाडा) याच्याविरुद्ध गुन्हा दाखल करण्यात आला आहे. याप्रकारे पुढील तपास पोलिस उपनिरीक्षक देशमुख करीत आहेत. दरम्यान, याप्रकरणी संशयीत गोविंद महादू पाडवी याला पोलिसांनी अटक करुन न्यायालयात हजर केले. त्याला तीन दिवसांची पोलिस कोठडी न्या. भिरडे यांनी सुनावली आहे. या घटनेने जांभीपाडा एकच गावात खळबळ उडाली.