मतदारयाद्यांमध्ये मतदारांच्या घराचे पत्ते हे चक्क टॉयलेट आणि महापालिका आयुक्तांचं निवासस्थान असं आलं होतं. यावरुन राज्य निवडणूक आयोगावर सडकून टीका करण्यात आली होती. पण आता राज्य निवडणूक आयोगाने या प्रकरणात मोठा खुलासा केला आहे.
राज्य निवडणूक आयोगाचे आयुक्त दिनेश वाघमारे यांना पत्रकारांनी दुबार मतदार आणि मतदारांच्या पत्त्यावरुन जो घोळ निर्माण झाला होता त्याबाबत प्रश्न विचारले. त्यावर दिनेश वाघमारे यांनी सविस्तर उत्तर दिलं. “आम्ही केंद्रीय निवडणूक आयोगाची जी मतदार यादी ही आहे तीच वापरणार आहोत. 1 जुलै 2025 पर्यंतची यादी आम्ही या निवडणुकीत वापरणार आहोत. या यादीतील दुबार मतदार आम्ही शोधले आहेत. त्यावर कार्यवाही सुरु आहे. त्यामध्ये आणखी एक आपत्ती होती, जसं की नवी मुंबई महापालिका क्षेत्रात एक तक्रार समोर आली होती. महापालिका आयुक्तांच्या निवासस्थानाच्या घरात दीडशे मतदार दाखवण्यात आले”, असं दिनेश वाघमारे यांनी सांगितलं. तसेच तपासात काय समोर आलं, याबाबतही माहिती त्यांनी दिली.
“आम्ही त्या प्रकरणात तपास केला असता तेव्हा उलगडा झाला. मतदारांचा घराचा पत्ता आहे त्यामध्ये जो सेक्शन अॅड्रेस आहे, तो होता. सेक्शन पत्ता हा काही मतदाराचा पत्ता नसतो तर तो मतदाराच्या घराच्या पत्त्याचा लँडमार्क असतो. त्या भागात ते दीडशे मतदार होते. दुसरी एक तक्रार होती की, नवी मुंबई महापालिका क्षेत्रात टॉयलेटमध्ये 10 मतदार दावण्यात आले होते. पण तपास केला की, टॉयलेटची जी इमारत होती त्या पहिल्या आणि दुसऱ्या माळ्यावर लोकं राहत होती. त्यामुळे टॉयलटचा पत्ता दाखवत होता. ते आधी तिथे वर राहत होते. त्यामुळे तसा पत्ता दाखवत होता”, असं महत्त्वाचं स्पष्टीकरण निवडणूक आयोगाने दिलं.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा