रायगड जिल्ह्यातील विविध शाळांमधील विद्यार्थी क्रीडा आणि सांस्कृतिक स्पर्धांमध्ये सहभागी होण्यासाठी महाड येथे दाखल झाले होते. सर्वत्र उत्साहाचं वातावरण होतं. विद्यार्थी आपापल्या स्पर्धांची तयारी करत होते. त्याच दरम्यान शनिवारी सांयकाळच्या सुमारास शाळेच्या आवारात निधी इतर विद्यार्थ्यांसोबत असताना तिला अचानक चक्कर आली. काही कळण्याच्या आतच ती जमिनीवर कोसळली. हा प्रकार पाहून उपस्थित शिक्षक आणि सहकारी विद्यार्थी घाबरून गेले.
Jalgaon News : साखरपुडा झालेला, महिन्याभरात लग्न… पण नियतीने डाव साधला; सुखी संसाराच्या स्वप्नांचा चुराडा, तरुणीच्या मृत्यूने कुटुंबाला धक्का
तातडीने निधीला उपचारासाठी महाडमधील एका खाजगी रुग्णालयात दाखल करण्यात आलं. मात्र डॉक्टरांनी तपासणीनंतर निधीला मृत घोषित केलं. या घटनेची माहिती समजताच स्पर्धास्थळी एकच शांतता पसरली. आनंदासाठी एकत्र आलेल्या विद्यार्थ्यांचे चेहरे उतरले, तर अनेक विद्यार्थी भावूक झाले होते. शिक्षक आणि पालकांनाही या घटनेने मोठा धक्का बसला आहे.

विद्यार्थिनीचा मृतदेह पुढील तपासणीसाठी महाड ग्रामीण रुग्णालयात शवविच्छेदनाकरता पाठवण्यात आला आहे. याप्रकरणी महाड शहर पोलीस ठाण्यात आकस्मित मृत्यूची नोंद करण्यात आली असून घटनेचा पुढील तपास महाड शहर पोलीस करत आहेत. शवविच्छेदन अहवालानंतर मृत्यूचं नेमकं कारण स्पष्ट होणार आहे.
Maharashtra weather : राज्यभरात थंडीचा कडाका वाढला, 7 जिल्ह्यांमध्ये Cold Wave चा इशारा; मुंबईत परिस्थिती काय?
निधी अभ्यासात हुशार, खेळ आणि उपक्रमांमध्ये उत्साही असल्याचं तिच्या शिक्षकांनी सांगितलं. ती सर्वांची लाडकी होती. तिच्या अचानक जाण्याने कुटुंबियांवर दुःखाचा डोंगर कोसळला असून शाळा, मित्रपरिवार आणि संपूर्ण परिसरात हळहळ व्यक्त केली जात आहे.

स्पर्धेच्या निमित्ताने विद्यार्थ्यांच्या चेहऱ्यावर आनंद पाहण्यासाठी जमलेले शिक्षक, पालक आणि नागरिक या घटनेने सुन्न झाले. आनंदाचा उत्सव ठरलेली ही स्पर्धा एका क्षणात शोकांतिकेत रूपांतरित झाल्याने संपूर्ण महाड शहरात शोककळा पसरली आहे.