ही घटना कल्याण पश्चिमेतील सिंडिकेट परिसरात घडली. प्राथमिक माहितीनुसार, संबंधित तरुणीने सायंकाळच्या सुमारास जिमला जाण्यासाठी रॅपिडो मोटरसायकल बुक केली होती. मात्र तरुणी रॅपिडोवर बसताच चालकाने अचानक मार्ग बदलला. तिला ठरलेल्या ठिकाणी म्हणजे जिमला न सोडता तो दुसऱ्याच दिशेने गाडी घेऊन जाऊ लागला. काही वेळाने चालकाने कल्याण पश्चिमेतील पोलीस लाईनजवळील एका निर्जन आणि अंधाराच्या ठिकाणी गाडी थांबवली.

Badlapur Crime : अटक झाली हल्ल्याच्या गुन्ह्यात, कबुली दिली 3 वर्षापूर्वी केलेल्या कांडाची; नीरजा आंबेकरांच्या मृत्यूचं धक्कादायक वास्तव कसं समोर आलं?

त्यानंतर आरोपी चालकाने तरुणीची छेडछाड करण्यास सुरुवात केली. एवढ्यावरच न थांबता त्याने तिच्यावर अतिप्रसंग करण्याचा प्रयत्न केल्याचा आरोप आहे. या घटनेमुळे घाबरलेल्या तरुणीने स्वतःचा बचाव करण्यासाठी जोरजोरात आरडाओरडा सुरू केला. तिचा आवाज सुदैवाने परिसरातील नागरिकांच्या कानावर पडला. नागरिक तात्काळ घटनास्थळी दाखल झाले आणि प्रकाराची चौकशी केली.

नागरिकांनी विचारणा करताच तरुणीने घडलेला संपूर्ण प्रकार सांगितला. हे ऐकून नागरिक संतप्त झाले आणि त्यांनी भररस्त्यातच संबंधित रॅपिडो चालकाला चोप दिला. या घटनेचा व्हिडिओही समोर आला असून, त्यामध्ये संतप्त नागरिकांसह संबंधित तरुणीही आरोपी चालकाला मारताना दिसत आहे. यानंतर या घटनेची तात्काळ माहिती पोलिसांना देण्यात आली. पोलिसांनी घटनास्थळी धाव घेत परिस्थिती नियंत्रणात आणली आणि संतप्त जमावाला शांत केले. सध्या पोलिसांकडून तरुणीची अधिकृत तक्रार नोंदवण्याची प्रक्रिया सुरू असून, आरोपी चालकाविरोधात गुन्हा दाखल करण्यात येत आहे. त्यानंतर पुढील कायदेशीर कारवाई केली जाईल, अशी माहिती पोलिसांनी दिली आहे.

Beed News : सततच्या नापिकीला कंटाळले अन् डोक्यावर बँकेचं कर्ज, तरुण शेतकऱ्याचं दुसऱ्याच्या शेतात टोकाचं पाऊल; संपूर्ण गाव हळहळलं

विशेष म्हणजे, मागील महिन्यात बंगळुरूमध्येही असाच एक प्रकार घडला होता. त्या ठिकाणी एका रॅपिडो चालकाने महिला प्रवाशाला अयोग्य पद्धतीने स्पर्श केल्याचा व्हिडिओ सोशल मीडियावर मोठ्या प्रमाणात व्हायरल झाला होता. अशा वारंवार घडणाऱ्या घटनांमुळे रॅपिडो सारख्या बाईक टॅक्सी सेवा महिलांसाठी कितपत सुरक्षित आहेत, याबाबत गंभीर प्रश्न उपस्थित होत आहेत.