सकाळी घर सोडलं, संध्याकाळी मृत्यूची बातमी

काल शुक्रवारी रोजी सकाळी 6.45 वाजता पती बाळासाहेब शिंदे व मुलगा अनिकेत शिंदे हे नाशिक जिल्ह्यातील विंचूर येथे साखरपुड्याच्या कार्यक्रमासाठी घरातून बाहेर पडले. घरात एकट्या असलेल्या मनिषा शिंदे दुपारी व संध्याकाळपर्यंत कोणाच्याही फोनला प्रतिसाद देत नसल्यानं संशय बळावला. त्यानंतर मुलाने शेजारच्यांची संपर्क करून त्यांना घरी जाऊन पाहण्यास सांगितलं, तेव्हा शेजाऱ्यांनी घर उघडून पाहिलं असता हॉलमध्ये रक्ताच्या थारोळ्यात मनिषा शिंदे पडलेल्या आढळून आल्या. घटनास्थळी चाकू व ब्लेड सापडल्यानं हत्येची क्रूरता अधिकच ठळक झाली.

Nagpur Protest : नागपुरात प्रशिक्षणार्थी तरुणांचं आंदोलन चिघळलं, पोलिसांकडून आंदोलकांची धरपकड, वातावरण तापलं

गळा व हनुवटीवर गंभीर वार

सिव्हिल हॉस्पिटल, अहिल्यानगर येथील डॉक्टरांनी तपासणीअंती मनिषा शिंदे यांना मृत घोषित केलं. त्यांच्या गळ्यावर व हनुवटीवर खोल कापलेल्या जखमा असून प्रचंड रक्तस्रावामुळे त्यांचा मृत्यू झाल्याचं स्पष्ट झालं आहे.

अज्ञात आरोपीविरुद्ध तोफखाना पोलीस ठाण्यात गुन्हा दाखल

या प्रकरणी पती बाळासाहेब शिंदे यांनी अज्ञात आरोपीविरुद्ध हत्येची फिर्याद तोफखाना पोलीस ठाण्यामध्ये दिली असून काल शुक्रवारी रोजी सकाळी 7 ते सायंकाळी 6.30 या वेळेत ही हत्या झाल्याचा अंदाज पोलिसांनी व्यक्त केला आहे. घटनास्थळी वरिष्ठ पोलीस अधिकारी दाखल झाले असून, सीसीटीव्ही फुटेज, मोबाईल कॉल डिटेल्स आणि परिसरातील हालचालींचा सखोल तपास सुरू आहे.

Beed News : सततच्या नापिकीला कंटाळले अन् डोक्यावर बँकेचं कर्ज, तरुण शेतकऱ्याचं दुसऱ्याच्या शेतात टोकाचं पाऊल; संपूर्ण गाव हळहळलं

महिलांच्या सुरक्षिततेचा प्रश्न पुन्हा एकदा ऐरणीवर

घराला बाहेरून कडी कशी लावली? मारेकरी ओळखीचा की अनोळखी? चोरीचा उद्देश की पूर्वनियोजित हत्या? या निर्घृण हत्येनं अहिल्यानगर शहर हादरलं असून, महिलांच्या सुरक्षिततेचा प्रश्न पुन्हा एकदा ऐरणीवर आला आहे.