अटक करण्यात आलेल्या आरोपींवर आधीच गंभीर गुन्हे दाखल

अटक करण्यात आलेल्या आरोपींची नावं सुहास उर्फ पिल्या बालाजी गायकवाड, अभय विकास सुरवसे, ओमकार सिद्धेश्वर बंडगर, समीर लक्ष्मण इजगज आणि धर्मेंद्र हरिप्रसाद सेन अशी आहेत. यातील सुहास गायकवाड, अभय सुरवसे, ओमकार बंडगर आणि समीर इजगज हे एकाच टोळीचे सदस्य असून त्यांच्यावर हत्या, मारामारी आणि हत्येचा प्रयत्न यांसारखे गंभीर गुन्हे दाखल आहेत.

Nashik News : नाशिकमध्ये तरुणाला संपवलं, बॉडीची ओळख करणंही कठीण; पण एक ट्विस्ट आणि धक्कादायक कनेक्शन उघड

धुळ्यातून पुण्यात आली शस्त्र, पोलिसांकडून सखोल तपास सुरू

पोलिसांनी दिलेल्या माहितीनुसार, गुंडा विरोधी पथकाचे सहाय्यक पोलीस निरीक्षक हरीश माने यांच्या पथकाने या कारवाया केल्या. तपासात आरोपींनी ही पिस्तुलं धुळे जिल्ह्यातून आणल्याचं निष्पन्न झालं आहे. मात्र, ही शस्त्रं नेमकी कशासाठी आणि कुणासाठी आणली होती, किंवा त्यांचा काही घातपात करण्याचा उद्देश होता का, याचा सखोल तपास पोलीस करत आहेत.

कारवाईत पोलिसांकडून जिवंत काडतुसं, पिस्तुलं जप्त

पहिल्या कारवाईत तिघांकडून चार पिस्तुलं आणि तीन जिवंत काडतुसं, दुसऱ्या कारवाईत समीर इजगजकडून दोन पिस्तुलं आणि दोन जिवंत काडतुसं, तर तिसऱ्या कारवाईत धर्मेंद्र सेनेकडून एक पिस्तूल आणि एक जिवंत काडतूस जप्त करण्यात आलं. संबंधित आरोपींना आळंदी, वाकड आणि सांगवी पोलिसांच्या स्वाधीन करण्यात आलं आहे. दरम्यान, पोलिसांच्या या कारवाईमुळे निवडणुकीच्या काळात किंवा इतर कोणत्याही वेळी होणारी मोठी दुर्घटना टळल्याची भावना व्यक्त होत आहे.