ग्राहकांना धमकावत बाहेर पळवले

सीसीटीव्ही फुटेजनुसार, गुंडांच्या टोळीने बारमध्ये शिरताच सर्वप्रथम उपस्थित ग्राहकांना धमकावत बाहेर पळवले आणि त्यानंतर थेट बारमधील कर्मचाऱ्यांवर आणि मॅनेजरवर धावा बोलले. लाथाबुक्यांसह हातातील शस्त्रांनी त्यांनी कर्मचार्‍यांना जबर मारहाण केली. या हल्ल्यात बार मॅनेजरसह अनेक कर्मचारी जखमी झाले असून त्यांना उपचारासाठी रुग्णालयात दाखल करण्यात आलं आहे.

Nagpur News: हलबा समाजाचा आक्रमक पवित्रा; जलसमाधी आंदोलनाचा थरार, पोलिसांनी रोखलं…. नागपुरात नेमकं काय घडलं?

दोन दिवसांपूर्वी उर्वशी बारमध्ये जेवण

मिळालेल्या माहितीनुसार, हीच टोळी दोन दिवसांपूर्वी उर्वशी बारमध्ये जेवण आणि मद्यप्राशन करून गेली होती. त्यावेळी बिल मागितल्यावर त्यांनी पैसे देण्यास नकार देत बार मालकाशी वाद घातला होता. त्या वादाचा सूड घेण्याच्या हेतूनेच त्यांनी काल रात्री अधिक संख्येने गुंड गोळा करून बारमध्ये पुनश्च धाड टाकली. बारमधील फर्निचर, काचेचा सामान आणि काउंटरची मोठ्या प्रमाणावर तोडफोड करण्यात आली असून आर्थिक नुकसानही मोठ्या प्रमाणात झालं आहे.

बीडच्या मांजरसुबा घाटात मोठी दुर्घटना, डिझेलच्या टँकरचा स्फोट

सीसीटीव्ही फुटेज जप्त

घटनेची माहिती मिळताच प्रताप नगर पोलीस घटनास्थळी दाखल झाले. पोलिसांनी सीसीटीव्ही फुटेज जप्त केले असून हल्ल्यातील गुंडांची ओळख पटवण्याचं काम सुरू आहे. प्राथमिक तपासात काही संशयितांची नावे समोर आली असून लवकरच आरोपींना ताब्यात घेण्यात येईल, असं पोलिसांनी सांगितलं. या घटनेमुळे परिसरातील नागरिकांमध्ये भीतीचं वातावरण निर्माण झालं आहे. बार परिसरात रात्री उशिरापर्यंत मोठ्या प्रमाणावर गर्दी असते. त्यामुळे अशा प्रकारच्या दहशतवादी हल्ल्यामुळे कायदा-सुव्यवस्थेवर प्रश्नचिन्ह निर्माण झालं आहे. व्यापारी आणि बार असोसिएशनने अशा घटनांवर कडक कारवाईची मागणी केली आहे.