निलेश घायवळ याला न्यायालयाकडून घोषित करण्यात आल्यानंतर आता त्याच्या विरोधात मोठी कारवाई होणार आहे. निलेश घायवळ याची संपूर्ण मालमत्ता जप्त होण्याची शक्यता आहे. दुसऱ्या व्यक्तीचं नाव वापरून सिमकार्ड खरेदी करून त्याचा वापर केल्याप्रकरणी घायवळवर गुन्हा दाखल होता. या याप्रकरणी पुण्यातील कोथरूड पोलीस ठाण्यात त्याच्यावर गुन्हा दाखल आहे. या गुन्ह्यामध्ये आज पुणे पोलिसांकडून न्यायालयात दोषारोपपत्र सादर करण्यात आलं आहे.

नेमकं प्रकरण काय?

कोथरूडमध्ये किरकोळ वादातून तरुणावर गोळीबार केल्याप्रकरणी परदेशात पळून गेलेला कुख्यात आरोपी निलेश घायवळला पुणे प्रथमवर्ग न्यायदंडाधिकारी न्यायालयाने फरार घोषित केले आहे. इंटरपोलमार्फत ‘ब्लू कॉर्नर’ नोटीस काढल्यानंतरही घायवळ सापडला नसल्याने त्याच्या प्रत्यार्पणासाठी थेट ‘रेड कॉर्नर’ नोटीस काढण्याची प्रक्रिया पुणे पोलिसांनी सुरू केली आहे.
Pune Gang war : बंडू आंदेकरच्या कुटुंबातील दोन जणांना राष्ट्रवादी निवडणुकीचं तिकीट देणार? शहराध्यक्षांचं सूचक वक्तव्य
या प्रकरणात टोळीप्रमुख निलेश बन्सीलाल गायवळसह (वय ४९, रा. शास्त्रीनगर, कोथरूड) एकूण नऊ जणांविरोधात महाराष्ट्र संघटित गुन्हेगारी नियंत्रण कायदा (मकोका) आणि भारतीय न्याय संहितेच्या कलमांनुसार गुन्हा दाखल करण्यात आला आहे. पोलीस घायवळचा शोध घेत असताना, तो नव्वद दिवसांच्या व्हिसावर परदेशात पसार झाल्याचे आढळून आले. त्यामुळे पुणे पोलिसांनी ‘इंटरपोल’मार्फत घायवळविरोधात ‘ब्लू कॉर्नर’ नोटीस बजावली; तसेच घायवळचा पासपोर्ट रद्द करण्यासाठी न्यायालयात अर्ज केला.
‘Amit Shah, तुमच्या मंत्रिमंडळात गोमांस खाणारे मंत्री’, उद्धव ठाकरेंनी थेट फोटो दाखवला
दरम्यान, ब्रिटन उच्चायुक्तालयासमवेत झालेल्या पत्रव्यवहारात घायवळ पर्यटन व्हिसावर लंडनमध्ये असल्याची माहिती पुणे पोलिसांना मिळाली. त्यामुळे घायवळला फरार घोषित करण्यासाठी पोलिसांनी न्यायालयात अर्ज केला. तो मंजूर झाल्याने आता घायवळविरोधात ‘रेड कॉर्नर’ नोटीस काढून त्याच्या प्रत्यार्पणाच्या प्रक्रियेला गती मिळणार आहे. ‘निलेश घायवळला न्यायालयाने फरार घोषित केल्याने त्याची मालमत्ता जप्त करणे शक्य होणार आहे,’ असे परिमंडल तीनचे उपायुक्त संभाजी कदम यांनी सांगितले.