नवले म्हणाले, ‘या प्रतिबंधित मांजाची खरेदी, विक्री करू नये, यासाठी व्यापक प्रमाणात जनजागृती करण्यात येत आहे. तरीही शहरात काही ठिकाणी नायलॉन मांजाची विक्री होत असल्याची माहिती आम्हाला मिळाली. जनजागृती मोहिमेमुळे मुकुंदवाडी परिसरातील डिलिव्हरी कुरिअर लिमिटेड कंपनीच्या प्रतिनिधीने पोलिस उपनिरीक्षक संजय काळे यांना फोन करून महिनाभरापासून एक पार्सल आल्याचे सांगितले. पार्सलमध्ये संशयास्पद काही असण्याची शक्यता वर्तविली होती. त्यावरून गुन्हे शाखेचे सहायक पोलिस आयुक्त अशोक राजपूत यांच्या मार्गदर्शनाखाली गुन्हे शाखेचे पोलिस निरीक्षक गजानन कल्याणकर व पथकाने कुरिअर कंपनीत जाऊन या पार्सलची तपासणी केली. त्यात नायलॉन मांजाचे ६७२ रिल आढळून आले. पोलिसांनी हे जप्त केले.

Angel Priya रिटर्न्स! महिलेच्या नावाचं फेक अकाऊण्ट, बहिणीच्या फोनवर OTP मागवला, अश्लील चॅट करुन…
‘मिळालेल्या माहितीवरून मांजा मागविणाऱ्या शेख समीर नजीर अहमद (वय ४३, रा. रोशन गेट, आजम कॉलनी) व शेख फईम शेख नईम (वय ३३, रा. बाबर कॉलनी) या दोघांवर मुकुंदवाडी पोलिस ठाण्यात गुन्हा दाखल करुन ताब्यात घेण्यात आले. अधिक चौकशी केली असता हे कुरिअर सुरतहून मागविण्यात आल्याची माहिती मिळाली. कुरिअरमध्ये महिनाभरापासून पार्सल पडून होते. हा माल शेख फईम याचा मेहुणा समीर अहमद याने मागविल्याचे समोर आले. त्यावरून हीना पतंग मार्ट चालविणाऱ्या समीर अहमद व शेख फईम या दोघांना ताब्यात घेण्यात आले,’ असे नवले यांनी नमूद केले.

सिम कार्डचा गैरवापर
पोलिसांची दिशाभूल करण्यासाठी दुसऱ्याचा नावाचे सिम कार्ड वापरण्यात आल्याचे समोर आले. पोलिसांनी पार्सलवरील नंबरच माहिती काढल्यानंतर तो नंबर पाटील नामक व्यक्तीचा असल्याचे कळाले. त्यांच्याकडे चौकशी केल्यावर त्याने हे सिम शेख युनूस (रा. जालना) याला दिल्याचे सांगितले. युनूसकडे चौकशी केल्यानंतर त्यांने हे सिम फईमला दिल्याचे पोलिसांना सांगितले. या गुंतागुंतीतून अखेर पोलिसांना कुरिअर मागविणाऱ्या दोघांना ताब्यात घेण्यापर्यंत पोचण्यास यश आले.

Accident News : सुट्टीच्या दिवशी गावी निघाले, भरधाव पिकअपची बाईकला धडक; नर्स तरुणीसह भावाचाही हृदयद्रावक अंत
कुरिअवर नंबरवरून लागला शोध
कुरिअर कंपनीत महिनाभरापासून पडून असेलल्या पार्सलवर मोबाइल क्रमांक होता. त्याचा नंबरचा माग काढला असता हिना पतंग मार्ट चालक समीर अहमद याचा हा मोबाइल असल्याचे स्पष्ट झाले. त्यात मेहुणा शेख फईम याने मदत केल्याची माहिती समोर आल्याचे उपायुक्त रत्नाकर नवले यांनी दिली.