महाराष्ट्रातलं एक गाव सध्या चर्चेत आहे. या गावात सुरु झालेल्या यात्रेमुळे हे गाव सर्वत्र चर्चेत आहे. विशेष म्हणजे देशभरातून हजारो घोडे या ठिकाणी दाखल झाले आहेत. हे गाव म्हणजे सारंगखेडा.
सुमारे 400 वर्षांची परंपरा असलेल्या शहादा तालुक्यातील सारंगखेडा येथील श्री. दत्त भगवान यात्रेस 4 डिसेंबर पासून सुरुवात झाली. महानुभाव पंथीयांचे हे श्रद्धा स्थान असलेल्या या ठिकाणी श्री. दत्तांचे एकमुखी मूर्ती आहे. भारतात पुष्कर येथे देशातील सर्वात मोठा अश्व बाजार भरतो. त्यानंतर दोन नंबरवर सारंगखेडा येथे बाजार भरत असतो. देशातील पंजाब, उत्तर प्रदेश, मध्य प्रदेश, हरियाणा, गुजरात यासह विविध राज्यातून विविध जातीचे सुमारे 2800 च्या वर घोडे विक्रीसाठी दाखल झाले आहेत.
सध्या घोडे बाजार तेजीत असून मंगळवारी 40 तर सोमवारी 78 घोड्यांची विक्री झाली. घोड्यांच्या विक्रीतून आतापर्यंत सुमारे 1 कोटी 53 लाख 99 हजार 600 रुपयांची उलाढाल झाली आहे. सारंगखेडा यात्रेला परिसरातील जीवनदायी यात्रा म्हटले जाते. या यात्रेच्या माध्यमातून जवळपास 20 हजार नागरिकांना विविध माध्यमातून रोजगार उपलब्ध होत असतो.
अश्वस्पर्धांना झाली सुरुवात
सारंगखेडा (ता.शहादा) येथे दत्त जयंतीपासून एकमुखी दत्तप्रभूंच्या यात्रोत्सव सुरु आहे. येथील अश्व बाजार देशभर प्रसिद्ध आहे. अश्व बाजाराला बदलत्या परिस्थितीनुसार नवा आयाम मिळावा यासाठी जयपालसिंह रावल यांनी चेतक फेस्टिवल सुरु केला आहे. या चेतक फेस्टिवलमध्ये (ता.९) मंगळवार पासून अश्वांच्या विविध स्पर्धांना थाटात शुभारंभ झाला . त्यात प्रथम मंगळवारी अश्वांच्या रेवाल चाल स्पर्धांनी प्रारंभ झाला.
इंदिरा गांधी यांचा उल्लेख करत काँग्रेसवर प्रहार, श्रीकांत शिंदे यांचं लोकसभेत मतचोरीवर आक्रमक भाषण
दुपारी दोन वाजता रेवाल चाल स्पर्धा झाल्या. यात ३६ अश्वांचा सहभाग घेतला. नवाब , रुद्रा , अल्स्कब , नटराज , गुलसफर, शेरा, बादशाह, पवन, टायगर, बादल या अश्वांमध्ये अंतिम स्पर्धा झाली. स्पर्धेत परभणी येथील अल्स्कब या अश्वाने प्रथम क्रमांक मिळून बाजी मारली. तर द्वितीय पुरणपूर येथील गुलसफर या अश्वांला गौरविण्यात आले. तर तृतीय बरेली (उत्तर प्रदेश) येथील आसिफ भाई यांचा पवन या अश्वांला गौरविण्यात आले. उत्तेजनार्थ म्हणून रुद्रा या अश्वाला गौरविण्यात आले.‘हे विधिमंडळ माझ्या खिशात आहे’, अधिकाऱ्याच्या वल्गना, अनिल परब यांचा सभागृहात गंभीर आरोप
चेतक फेस्टिवल समितीचे अध्यक्ष जयपालसिंह रावल यांच्या हस्ते अश्वाची प्रतिकृती असलेले सन्मानचिन्ह देऊन गौरविण्यात आले. यावेडी सरपंच पृथ्वीराजसिंह रावल उपस्थित होते. अश्व रेवाल चाल स्पर्धा म्हणजे घोड्यांच्या वेगाची आणि कौशल्याची एक शर्यत आहे, जिथे घोडे विशिष्ट चालीमध्ये (रेवाल चाल) धावतात. यावेळी चेतक फेस्टिवल मार्फत तयार करण्यात आलेल्या धावपट्टीवर धावणारे घोडे पाहून हजारो प्रेक्षकांनी आपल्या चक्षुनी डोळ्याचे पारणे फेडले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा