पंढपूर तालुक्यातील कोर्टी गावामध्ये शेततळ्यात ही घटना घडल्याची माहिती आहे. विजय लोंढे, प्रियांका लोंढे आणि 5 वर्षीय प्रज्वल लोंढे अशी पाण्यात बुडून मृत्यू झालेल्या तिघांची नावं आहेत. कोर्टी गावात लोंढे कुटुंबीय राहत होतं. त्यांच्या घराच्या जवळच एक शेततळं आहे. दुपारच्या सुमारास त्यांचा मुलगा प्रज्वल शेतात खेळत होता. पण, बराच वेळा झाला विजय लोंढे आणि प्रियांका लोंढे आपल्या मुलासह घरी आले नाही. त्यामुळे घरातील इतर सदस्यांनी शेततळ्याजवळ जाऊन पाहिले असता त्यांना तिघांचे मृतदेह शेततळ्यात आढळून आले आणि परिसरात एकच गोंधळ माजला.
Crime News: लग्नासाठी 25 लाख द्या, नाहीतर बायकोला VIDEO पाठवेन; मीनाक्षी करत होती पोलिस इन्स्पेक्टर ब्लॅकमेल
या घटनेची माहिती गावात वाऱ्यासारखी पसरली. शेजारी आणि गावकऱ्यांनी घटनास्थळी धाव घेतली. घटनेची माहिती पंढरपूर ग्रामीण पोलिसांना देण्यात आली. घटनेची माहिती मिळतात घटनास्थळी पोलीस दाखल झाले. विजय लोंढे, प्रियांका लोंढे आणि पाच वर्षांच्या प्रज्वलचा मृतदेह शेततळ्यातून बाहेर काढण्यात आला. तिघांचेही मृतदेह शवविच्छेदनासाठी शासकीय रुग्णालयात पाठवण्यात आले आहेत.

याप्रकरणी मिळालेल्या प्राथमिक माहितीनुसार, शेततळ्यात पाण्याचा अंदाज न आल्याने पती – पत्नी आणि लहान मुलाचा बुडून मृत्यू झाला असावा असा अंदाज पोलिसांनी व्यक्त केला आहे. या घटनेचा अधिक तपास पंढरपूर पोलिस करत आहे. या घटनेमुळे गावावर मात्र शोककळा पसरली आहे. तसेच, लोंढे कुटुंबालाही मोठा धक्का बसला आहे. सध्या या प्रकरणाचा तपास सुरु आहे, या तिघांचा मृत्यू कसा झाला, हा अपघात होता की त्यांनी आपल्या आयुष्याची अखेर केली, याचाही तपास पोलिस करत आहेत.