नगरपरिषद निवडणुकीच्या निकालाआधी बार्शीत लिटमस चाचणी झाली. बाजार समितीच्या निवडणुकीत माजी आमदार राजेंद्र राऊतांनी विरोधकांना सुपडा साफ केला आहे. त्यांच्या गटाने 18 पैकी 18 जागांवर विजय मिळवला आहे.
दोन्ही आमदाराच्या घरातील उमेदवार नव्हता तरीही चुरशीची लढत
सोलापूर जिल्ह्यातील बार्शी बाजार समितीच्या निवडणुकीमुळे बार्शीत राजकीय वातावरण तापले होते. बार्शी तालुक्यातील पारंपारिक प्रतिस्पर्धी विद्यमान आमदार दिलीप सोपल आणि माजी आमदार राजेंद्र राऊत हे बाजार समितीच्या निवडणुकीत आमने सामने आले होते. सोपल आणि राऊत या दोन्ही गटांकडून मोठ्या अटीतटीने निवडणुका लढवल्या होत्या. या निवडणुकीचे वैशिष्ट्य म्हणजे बाजार समितीच्या निवडणुकीत प्रथमच आमदार दिलीप सोपल आणि माजी आमदार राजेंद्र राऊत यांच्या घरातील कोणीही उमेदवार नव्हता.तरीही ही निवडणूक चुरशीची झाली होती.
Baba Adhav Passes Away : कष्टकरी आणि श्रमिकांचा चेहरा हरपला, ज्येष्ठ सामाजिक कार्यकर्ते बाबा आढाव यांचं निधन
नगरपरिषद निवडणुकी अगोदर लिटमस चाचणी
बार्शी बाजार समितीच्या निवडणुकीत विद्यमान आमदार दिलीप सोपल आणि माजी आमदार राजेंद्र राऊत यांनी कार्यकर्त्यांसाठी जोर लावला होता. मतदानापूर्वीच माजी आमदार राजेंद्र राऊत यांच्या बळीराजा विकास पॅनेलचे व्यापारी मतदारसंघातील दोन उमेदवार बिनविरोध निवडले गेले होते. रविवारी (ता. 07 डिसेंबर) 16 जागांसाठी चुरशीने 96.98 टक्के मतदान झाले होते. सोमवारी 9 डिसेंबर रोजी दिवसभर मतमोजणी संपन्न झाली. नगरपरीषदेचा निकाल 21 डिसेंबर रोजी लागणार आहे. त्या अगोदरच बाजार समितीच्या निवडणूकीचा निकाल लागला आहे. या निवडणुकीत राऊत गटाने सोपल गटाचा धुव्वा उडविला आहे. नगरपरीषदेच्या निकाला अगोदर बार्शीत लिटमस चाचणी झाली आणि त्या चाचणीत राऊत गटाचा विजय झाला अशी चर्चा राजकीय वर्तुळात वर्तवली जात आहे.‘Ravindra Chavan माझ्या मोठ्या भावाप्रमाणे’, आमदार निलेश राणे यांचं वक्तव्य, दोघांची दिलजमाई
राऊत गटाच्या बळिराजा विकास आघाडीचे विजयी उमेदवार आणि त्यांना मिळालेली मते :
सहकारी संस्था : सुरेश गुंड (815), बाबा गायकवाड (790), विजय गरड (804), अभिजित कापसे (798), प्रभाकर डंबरे (818), रविकांत साळुंखे (791), यशवंत माने (813).महिला राखीव : मनीषा ताकभाते (850), सुमन पाटील (844). इतर मागासवर्गीय प्रवर्ग : संजयकुमार माळी (852).
विमुक्त जाती भटक्या जमाती : रामेश्वर पाटील (829)
ग्रामपंचायत मतदार संघ : नेताजी घायतिडक (632), अजित बारंगुळे (626) अनुसूचित जाती जमाती : सतीश हनुमंते (620). आर्थिक दुर्बल घटक : सचिन बुरगुटे (621). हमाल तोलार मतदारसंघ : गजेंद्र मुकटे (727)
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा