लखन ऊर्फ सोन्या सकट (वय 19, रा. आंबेडकर वस्ती, चंदननगर) असं खून झालेल्या तरुणाचं नाव आहे. या प्रकरणी उशिरापर्यंत गुन्हा दाखल करण्याचं काम सुरू होतं. प्रथमेश दर्डू आणि यश गायकवाड (दोघे रा. चंदननगर) यांनी वार केल्याची माहिती पोलिसांना मिळाली आहे.

विधिमंडळात सरकारची कसोटी; उद्यापासून नागपुरात हिवाळी अधिवेशनाला सुरुवात, कोणते मुद्दे गाजणार?

भांडणे मिटविण्यासाठी उद्यानात गेला

पोलिसांनी दिलेल्या प्राथमिक माहितीनुसार, ‘चंदननगर परिसरात जुन्या मुंढवा रस्त्यावर ऑक्सिजन पार्क उद्यान आहे. काल शनिवारी रात्री सकट आणि आरोपी यांच्यात भांडणे झाली होती. ही भांडणे मिटविण्यासाठी सकट शनिवारी रात्री उद्यानात आला होता. त्यावेळी त्याच्यासोबत एक अल्पवयीन मित्र होता. तत्पूर्वी आरोपी प्रथमेश दर्डू आणि यश गायकवाड आधीच हत्यारे घेऊन उद्यानात सकटची वाट बघत थांबले होते. सकट याला पाहताच आरोपींनी याच्यावर धारदार हत्याराने वार केले. सोन्या सकट याच्या हाता-पायावर, पोटावर, तोंडावर आणि डोक्यावर सुमारे 20 ते 25 वार केले. यात त्याचा जागीच मृत्यू झाला. खुनानंतर आरोपी घटनास्थळावरून पसार झाले. माहिती मिळताच पोलीस उपायुक्त सोमय मुंडे, सहायक आयुक्त प्रांजली सोनावणे, वरिष्ठ पोलीस निरीक्षक सीमा ढाकणे यांनी घटनास्थळी धाव घेऊन तपास सुरू केला आहे.

मुंबई- पुणे प्रवास करणाऱ्यांसाठी मोठी बातमी! सिंहगड, प्रगती, डेक्कन क्वीनसह ‘या’ एक्स्प्रेस आज रद्द, जाणून घ्या अपडेट

पोलीस कर्मचारी निखिल रणदिवे बेपत्ता

दौंड तालुक्यातील यवत पोलीस ठाण्यात कार्यरत असलेले पोलीस नाईक निखिल रणदिवे यांनी व्हॉट्सअ‍ॅपवर भावनिक संदेश पोस्ट केल्यानंतर अचानक बेपत्ता झाल्याने पुणे ग्रामीण पोलीस दलात मोठी खळबळ उडाली आहे. त्या स्टेटसमध्ये त्यांनी वरिष्ठ पोलिस निरीक्षक नारायण देशमुख यांच्या वागणुकीबाबत गंभीर आरोप केल्याचा उल्लेख आहे. केडगाव पोलीस चौकीत तैनात असलेल्या रणदिवे यांनी त्यांच्या मुलीचा फोटो शेअर करत दोन पोस्ट टाकल्या. त्यात त्यांनी गेल्या वर्षभरापासून वरिष्ठांचा वाढता मानसिक ताण, मनमानी आदेश आणि कौटुंबिक परिस्थिती बिघडल्यामुळे निर्माण झालेल्या तणावाचा उल्लेख केला आहे. स्टेटस टाकल्यानंतर त्यांचा मोबाईल बंद असून ते अद्याप सापडलेले नाहीत.