तक्रारदार धनकवडीतील एकता सहकारी सोसायटीचे नवीन सभासद आहेत. एकूण ३२ नवीन सभासदांनी जुन्या सभासदांकडून समभाग खरेदी केल्यानंतर वाद निर्माण झाल्याने सोसायटीवर सहकार विभागाने प्रशासक नेमला होता. प्रशासकाने संबंधितांची चौकशी करून अहवालही सादर केला होता. २०२३मध्ये तक्रारदार आणि इतर नवीन सभासदांनी समभाग प्रमाणपत्रासाठी अर्ज केले होते. मात्र, तक्रारदाराचा अर्ज प्रलंबित ठेवून उर्वरित अर्ज निकाली काढण्यात आले. सप्टेंबर २०२५मध्ये तक्रारदारांनी पोळ यांना भेटून प्रकरणाचा पाठपुरावा केला असता, सर्व नवीन सभासदांची प्रमाणपत्रे देण्यासाठी तीन कोटींची लाच मागितल्याचे समोर आले. पोळ यांनी स्वतः सह अवसायक विनोद देशमुख यांच्यासाठी ही रक्कम मागितल्याचे तक्रारीत नमूद आहे.
Pune accident : गोव्यातल्या दोन मित्रांचा लोणावळ्यात दुर्दैवी अंत, क्षणात स्विफ्ट चेपली, भरधाव डंपर… नेमकं काय घडलं?
यानंतर भविष्यातील सोसायटीच्या लिलाव प्रक्रियेत ‘तुम्ही सांगाल त्या व्यक्तीस जागा मिळवून देऊ,’ असे आमिष दाखवून आणखी पाच कोटींची मागणी केल्याचा आरोप आहे. पोलिस अधीक्षक शिरीष सरदेशपांडे, अतिरिक्त अधीक्षक अजित पाटील व अर्जुन भोसले यांच्या मार्गदर्शनाखाली सहायक आयुक्त नीता मिसाळ यांच्या पथकाने ही कारवाई केली. पोलिस निरीक्षक प्रवीण निंबाळकर तपास करीत आहेत.
Pune Crime: मंजुळाचा खून केला, पोलिसांपासून वाचण्यासाठी फोनही घरी ठेवला, पण पुण्यात येताच खेळ खल्लास; एक चूक महागात

सापळा आणि अटक

पडताळणीत लाच मागितल्याचे स्पष्ट झाल्यावर ‘एसीबी’ ने शनिवार पेठेत तक्रारदाराच्या कार्यालयाजवळ सापळा रचला. ठरल्याप्रमाणे पोळ लाच स्वीकारण्यासाठी आल्यावर त्यांना रंगेहाथ पकडण्यात आले. पुढील तपासात अवसायक देशमुख यांच्यावरही गुन्हा नोंदवण्यात आला.