एमएमआरडीए वरळी-शिवडी कनेक्टर उभारण्यासाठी ब्रिटिशकालीन एल्फिन्स्टन पूल पाडून त्या जागी डबलडेकर पूल उभारत आहे. सध्या पुलाचे पाडकाम सुरू आहे. पुलावरील पादचारी भाग वापरण्यास बुधवारी बंदी घातल्यानंतर, प्रभादेवी रेल्वे स्थानकात चेंगराचेंगरीसदृश स्थिती निर्माण झाली होती. यामुळे २४ तासांत पूल वापरासाठी पुन्हा खुला करण्यात आला होता.

Mumbai News: …अन् विरोधकांची झोळी रिकामीच! BMCकडून सत्ताधाऱ्यांना तब्बल 418 कोटींचा निधी
प्रभादेवी स्थानकातील दक्षिण दिशेच्या पुलावरील गर्दी कमी करण्यासाठी लोकल थांब्यांत बदल करण्याचा निर्णय घेण्यात आला आहे, असे पश्चिम रेल्वेचे मुख्य जनसंपर्क अधिकारी विनित अभिषेक यांनी सांगितले.

गर्दीच्या वेळेत तीन ते साडेतीन लाखांहून अधिक प्रवाशांचा वावर रेल्वे स्थानकात असतो. अशातच पुलाचा पादचारी भाग स्थानिकांना वापरासाठी बंद झाल्याने त्याचा भार स्थानकावर येत आहे. यामुळे रेल्वे प्रशासनाने बोरिवली स्थानकाप्रमाणे प्रभादेवी स्थानकातही डेकची उभारणी करणे गरजेचे असल्याची प्रतिक्रिया स्थानिक नरेश जोगळेकर यांनी दिली.
मोठी बातमी: 7/12 बद्दल महसूल विभागाचा ऐतिहासिक निर्णय, तलाठ्यांची मनमानी संपणार; फक्त पंधरा….
अतिरिक्त जिन्याचा प्रस्ताव
मध्य आणि पश्चिम रेल्वेला जोडणाऱ्या प्रभादेवी स्थानकात १२ मीटर आणि सहा मीटर रुंदीचे दोन पादचारी पूल आहेत. स्थानकाच्या पूर्व आणि पश्चिम दिशेला जोडणाऱ्या दक्षिण पादचारी पुलावर अधिक गर्दी होत आहे. येत्या आठवड्यात एल्फिन्स्टन पुलावरील पादचारी भाग बंद होणार असल्याने स्थानकातील पादचारी पुलावरील गर्दीत वाढ होण्याची शक्यता आहे. यामुळे दक्षिणेकडील पुलावरील गर्दी विभागण्यासाठी अतिरिक्त जिना आणि सरकते जिने जोडण्याचा प्रस्ताव तयार केला आहे.