सन २०१९ पूर्वी नोंदणी झालेल्या जुन्या वाहनांना उच्च सुरक्षा नोंदणी क्रमांक पाटी अर्थात ‘एचएसआरपी’ बसवण्यासाठी परिवहन विभागाने ३१ डिसेंबरपर्यंत मुदतवाढ देण्याचा निर्णय घेतला आहे.

मात्र अनेक वाहन चालकांकडून फिटमेंट केंद्रावर जास्त रकमेची मागणी केल्याच्या तक्रारी परिवहन विभागाकडे प्राप्त झाल्या आहेत. त्यानुसार परिवहन विभागाने तपासणी सुरू केली आहे.
Mumbai News : ना पेडर रोड ना कुलाबा, मुंबईत मध्यमवर्गाची वस्ती असलेल्या भागात 350 कोटींना फ्लॅट विक्री, नाव ऐकाल तर चाट पडाल
मिरा-भाईंदरमध्ये मिश्रा फिटमेंट केंद्रावर ५० रुपये अतिरिक्त आकारणी करत असल्याची तक्रार परिवहन आयुक्तालयाकडे प्राप्त झाली होती. त्यानुसार केंद्रावर प्रत्यक्ष पाहणी केल्यावर तक्रारीत तथ्य दिसून आले. संबंधित फिटमेंट केंद्रावरून ‘एचएसआरपी’ बसवण्याची प्रक्रिया थांबवण्यात आली असून त्याचे केंद्र बंद करण्यात आले आहे. अधिक रक्कम आकारणाऱ्या राज्यातील तीन केंद्रांवर आतापर्यंत कारवाई करण्यात आली आहे.
Pune News : पुणेकरांनो, आता तुमचा प्रवास अधिकच जलद! राज्य सरकारकडून दोन मेट्रो मार्गिकांना मंजुरी, जाणून घ्या झट पट पटा पट
राज्यात अडीच हजारांवर फिटमेंट केंद्रे कार्यान्वित आहेत, असे परिवहन विभागातील अधिकाऱ्यांनी सांगितले. सध्या राज्यातील ७७.७ लाख वाहनांना ‘एचएसआरपी’ बसवण्यात आली आहे. अपघातग्रस्त, गुन्ह्यात जमा झालेल्या, भंगारात काढलेल्या गाड्यांच्या ‘एचएसआरपी’बाबत स्पष्ट तरतूद नाही.

परिवहन आयुक्तालयाचे आवाहन

‘एचएसआरपी’साठी अधिकृत संकेतस्थळावरूनच ऑनलाइन आरक्षण करावे, केंद्रावर जादा रकमेची मागणी केल्यास तातडीने जवळच्या प्रादेशिक परिवहन कार्यालयात तक्रार दाखल करावी, असे आवाहन परिवहन आयुक्तालयाने केले आहे.

HSRP ची गरज कशासाठी?

अपघात किंवा गुन्ह्यात सहभागी होणारी वाहने सहजपणे पकडता यावी, तसेच प्रत्येकाचे वाहन सुरक्षित राहावे यासाठी सर्व वाहनांना उच्च सुरक्षा नंबरप्लेट बंधनकारक करण्यात येत आहे; तसेच अनेक गुन्हे आणि अपघातातील वाहने या नंबरप्लेटमुळे सहज शोधता येणे शक्य असल्याचे सांगितले जाते.