घटनेनंतर कोलाड पोलीसआणि एस.व्ही.आर.एस. रेस्क्यू टीम घटनास्थळी दाखल होऊन जखमींना तात्काळ कोलाड सिव्हिल हॉस्पिटलमध्ये हलवले, तर मृत व्यक्तींना शवविच्छेदनासाठी रोहा उपजिल्हा रुग्णालयात नेण्यात आलं. पोलिसांनी या प्रकरणी गुन्हा नोंदवला असून, अधिक तपास पोलीस निरीक्षक नितीन मोहिते यांच्या मार्गदर्शनाखाली सुरू आहे. अपघातामुळे परिसरात वाहनचालकांमध्ये सतर्कता निर्माण झाली असून, रस्त्यावरील वेगमर्यादा पाळण्याचे आवाहन करण्यात आलं आहे. हा भीषण अपघात कोलाड परिसरातील वाहतुकीसंबंधी काळजीची बाब ठरला असून, स्थानिक प्रशासन आणि पोलीस अधिक सुरक्षितता उपाययोजना राबवण्याच्या तयारीत आहेत.

Pune Crime: मंजुळाचा खून केला, पोलिसांपासून वाचण्यासाठी फोनही घरी ठेवला, पण पुण्यात येताच खेळ खल्लास; एक चूक महागात

एकुलत्या एक सचिनचा करुण अंत

जंगलात प्राण्यांची शिकार करायला जाणे यावर कायदेशीर बंदी आहे. प्राण्यांची शिकार करणे हा गुन्हा आहे. मात्र, तरीही लपून-छपून शिकार करण्याचे प्रकार घडत असतात. अशाच एका शिकार प्रकरणात सिंधुदुर्गजिल्ह्यात सावंतवाडी येथे बंदुकीतून सुटलेली गोळी शिकारीला आलेल्या सहकाऱ्यालाच लागल्याने त्याचा मृत्यू झाल्याचा धक्कादायक प्रकार घडला आहे. सचिन सुभाष मर्गज (वय 28) असं मृत्यू झालेल्या तरुणाचं नाव आहे.

सहकाऱ्यासोबत शिकारीला गेलेला असताना शिकारीच्या उद्देशाने झाडलेली गोळी लागून सावंतवाडी तालुक्यातील वेर्ले येथील सचिन सुभाष मर्गज या 28 वर्षीय युवकाचा मृत्यू झाल्याची दुर्दैवी घटना काल शुक्रवारी घडली. मृत युवकाच्या वडिलांनी सावंतवाडी पोलिसात फिर्याद दिल्यानंतर पोलिसांनी घटनास्थळी पंचनामा केला. या प्रकरणी सिप्रियान अ‍ॅन्थॉनी डान्टस (35, रा. कोलगाव) याला पोलिसांनी ताब्यात घेतलं आहे. त्याने गुन्ह्याची कबुली दिली असून रात्री उशिरापर्यंत त्याच्यावर गुन्हा दाखल करण्याची प्रक्रिया सुरू होती. काल सकाळी 9.30 ते 11 च्या सुमारास ही घटना घडली.