गेल्या काही दिवसांपासून तपोवनातील वृक्षतोडीच्या मुद्द्याच्या विरोधात विविध संघटना पर्यावरण प्रेमी वृक्षप्रेमी यांच्याकडून आंदोलन केले जात आहे तर हा निर्णय रद्द करण्यात यावा अशी मागणी देखील करण्यात येत आहे. तपोवन परिसरात शिंदे सेनेच्या पदाधिकारी आणि कार्यकर्ते यांनी शेकडोच्या संख्येने एकत्र येत हातात वृक्ष तोडीला विरोध दर्शविणारे फलक घेत जोरदार घोषणा करण्यात आली.यावेळी ‘वृक्षतोड थांबवा अन्यथा तीव्र परिणाम भोगा’ असा इशारा देखील देण्यात आला. तर संतप्त कार्यकर्त्यांनी थेट करवत आणि कुऱ्हाड जाळून आपला संताप यावेळी व्यक्त केला. या प्रतिकात्मक कृतीतून ‘वृक्ष तोडण्याचा कोणताही प्रयत्न यशस्वी होऊ देणार नाही’ असा ठाम संदेश देण्यात आला.

Mahad Election News: निवडणूक काळात हत्यारासह फिरणारा राजस्थानचा युवक पोलिसांच्या रडारवर, शिवसेना–राष्ट्रवादी राड्यात तणाव वाढला

आंदोलनाची तीव्रता लक्षात घेता, कोणताही अनुचित प्रकार घडू नये यासाठी शहर पोलिसांनी तातडीने मोठा पोलिस बंदोबस्त देखील तैनात करण्यात आला होता. नाशिक शहर पोलिस आणि दंगा नियंत्रण पथक यावेळी तैनात करण्यात आले होते.आंदोलकांना नियंत्रित ठेवण्यासाठी पोलिसांची कसरत सुरू आहे. त्यामुळे हा वृक्षतोडीचा वाद नेमके कोणते वळण घेतो, याकडे नाशिककरांचे लक्ष लागले आहे.

‘प्रशासनाची भूमिका संशयास्पद’

हा मुद्दा संवेदनशील आणि अत्यंत महत्त्वाचा आहे.कोणीही या विषयात राजकारण आणू नये ,ही झाडच राहिली नाही तर काय होईल. साधुसंतांना कुंभमेळा साजरा करण्यासाठी झाडेच लागतात,मला वाटत नाही की कोणीही साधू संत हे येथील झाड तोडून इथे साधुग्राम बांधण्यास तयार होईल.हा मुद्दा आम्ही उपमुख्यमंत्री एकनाथ शिंदे यांच्या कानावर टाकू ,आणि नाशिककरांच्या भावना त्यांच्यापर्यंत पोहोचवू.एकदा आपण प्रशासनाशी बोला ,प्रशासन नक्की काय करते आहे ? प्रशासनाचा विचार काय ? असा प्रश्न आपण त्यांना विचारा असे आम्ही उपमुख्यमंत्री एकनाथ शिंदे यांना सांगणार असून, प्रशासनाची ही भूमिका संशयास्पद असल्याचा आरोप देखील यावेळी शिंदे सेनेचे नेते अजय बोरस्ते यांनी केला आहे.

महिलांकडून वृक्षांना बांधण्यात आल्या राखी

यावेळी आंदोलनात सहभागी असलेल्या शिंदे सेनेच्या महिला पदाधिकारी आणि कार्यकर्त्यांकडून ओवाळणी करून येथील वृक्षांना राख्या देखील बांधण्यात आल्या. सदर वृक्ष म्हणजे आमचे भाऊ असा संदेश देखील यावेळी देण्यात आला. तर हे झाड आमचे भाऊ असून याच्यावर कुठलीही कुऱ्हाड चालू देणार नसल्याची भूमिका देखील यावेळी शिंदे सेनेच्या महिला पदाधिकाऱ्यांनी कार्यकर्त्या महिलांकडून घेण्यात आली.