जंगलात अर्धवट जळालेले मृतदेह

ठाणे ग्रामीण पोलिसांनी हसीना मेहबूब शेख, तिचा भाऊ फयाझ झाकीर हुसैन शेख आणि त्यांच्यासोबतच्या दोघा साथीदारांना ताब्यात घेतले आहे. मृत व्यक्तीचे नाव टिप्पणा असून तो कर्नाटकातील बेल्लारी जिल्ह्यातील सिरुगुप्पा गावचा मूळ रहिवासी आहे. तो काही वर्षांपासून ठाण्यात राहत होता. 25 नोव्हेंबर रोजी मुंबई–नाशिक महामार्गावरील शहापूरजवळील जंगलात त्याचा अर्धवट जळालेला मृतदेह सापडला होता.Thane News: हत्यारं दाखवून सामान्यांना धमकावणाऱ्या गुंडांना पोलिसांचा पहाटेच ‘शॉक’, दोघांच्या मुसक्या आवळल्या, तलवारी–कोयते जप्त

घटोस्फोटामुळे केली हत्या

या हत्येमागचे खरे कारण पत्नी आणि भावाच्या अटकेनंतर स्पष्ट झाले. टिप्पणाने पत्नीला घटस्फोट देण्यास नकार दिल्याने तिने भावासोबत आणि इतर सहभागींसोबत मिळून त्याला ठार मारण्याचा कट रचला. पोलिसांनी दिलेल्या माहितीनुसार, टिप्पणा आणि हसीना यांच्यात गेल्या काही महिन्यांपासून वाद सुरू होते. या भांडणांमुळे दोघे वेगळे राहू लागले. त्यानंतर हसीना सतत टिप्पणाकडे घटस्फोटाची मागणी करत होती. परंतु तो तयार नसल्याचे पाहून तिने भावासोबत मिळून त्याची हत्या करण्याचा निर्णय घेतला. “यामागील मुख्य कारण म्हणजे पीडितेने आरोपीला घटस्फोट देण्यास नकार देणे. त्यामुळे तिने तिच्या नातेवाईक आणि मित्रांच्या मदतीने हत्येची योजना आखली,” असे शहापूर पोलिस ठाण्याचे निरीक्षक मुकेश ढगे यांनी सांगितले.

एक चूक भोवली

हसीनाच्या सूचनेनुसार तिचा भाऊ, जो ऑटोरिक्षा चालक आहे, त्याने 17 नोव्हेंबर रोजी साथीदारांसह टिप्पणाला विश्वासात घेऊन गाडीने बाहेर नेले. त्यांनी त्याला शहापूरजवळील जंगलात नेले. तिथे त्याची हत्या केली आणि मृतदेह जाळण्याचा प्रयत्न झाला. मात्र तो पूर्णपणे जळू शकला नाही. त्यामुळे त्यांनी तो अर्धवट जळालेला मृतदेह मुंबई–नाशिक महामार्गावर फेकून दिला. हा मृतदेह 25 नोव्हेंबर रोजी पोलिसांना आढळला आणि त्याची ओळख पटताच आरोपींचा शोध सुरू झाला.

सुरुवातीला पोलिसांनी फयाझ आणि त्याच्या साथीदारांना ताब्यात घेतले. चौकशीदरम्यान फयाझने कबूल केले की हत्या त्याची बहीण हसीनाच्या सांगण्यानुसार करण्यात आली. त्यानंतर हसीनालाही अटक करण्यात आली.