नेमकं काय घडलं?

पंढरपूर शहरातील लिंक रोड येथील एका खाजगी दवाखान्यामध्ये दोन-तीन दिवसांपूर्वी पंढरपूर तालुक्यातील आढीव येथील आरती सुरज चव्हाण (वय 22) या महिलेला दुसऱ्या बाळंतपणासाठी दाखल करण्यात आले होते. सदरची महिलेची प्रसुती झाल्यानंतर तिला मोठ्याप्रमाणात रक्तस्राव होत होता. त्यामुळे डॉक्टरांनी महिलेच्या नातेवाईकांना रक्त कमी असल्याने तिला रक्त चढवण्याची गरज असल्याचं सांगितलं.
IndiGo Controversy: माझ्या मुलीला सॅनिटरी पॅड हवाय, तिला… बापाची इंडिगोच्या कर्मचाऱ्यांकडे विनवणी, पण… VIDEO पाहून संतापाल
महिलेची प्रसुती होण्यापूर्वीच डॉक्टरच्या सल्ल्यानुसार तिच्यासाठी रक्त आणण्यास सांगण्यात आलं होतं. त्याप्रमाणे कुटुंबाने एका ब्लड बँक स्टोरेज येथून ओ पॉझिटिव रक्त आणून ठेवलं होतं. परंतु डॉक्टरांनी रक्त चढवल्यानंतर बाळंतीण महिलेला जास्त त्रास सुरू झाला. त्यामुळे डॉक्टरांनी तिला सोलापूर येथील खाजगी दवाखान्यामध्ये उपचारास घेऊन जाण्याचा सल्ला दिला. त्याप्रमाणे त्या महिलेच्या नातेवाईकांनी सोलापूर येथील खाजगी दवाखान्यांमध्ये उपचारासाठी दाखल केले. तिथेही तिला रक्त चढवण्यात आलं. परंतु तीन दिवसानंतर तिचा त्रास काही कमी होत नव्हता. तेव्हा डॉक्टरांच्या लक्षात आले की, ब्लड बँकेने चुकीच्या रक्तगटाची पिशवी दिली, तिला चुकीचं रक्त चढवल्यामुळे तिचा त्रास वाढला होता. त्यानंतर गुरुवारी (4 डिसेंबर) दुपारी सोलापूर येथील खासगी दवाखान्यांमध्ये उपचार सुरू असताना आरतीचा मृत्यू झाला. या घटनेनंतर कुटुंबाने एकच आक्रोश केला. आरतीच्या जाण्याने तीन दिवसांचं बाळ मायेला मुकलं आहे. सध्या पोलिसांनी याप्रकरणी अद्याप गुन्हा दाखल केलेला नाही.