‘माझ्या बायकोला तुझ्या शेतात कामाला का नेतो’

उंटवाडी शिवारात पंढरी नाडेकर याने ‘माझ्या बायकोला तुझ्या शेतात कामाला का नेतो’, अशी विचारणा करीत शेतमालक असलेल्या शिवराम गंभीरे याच्या चारचाकी गाडीचे नुकसान केलं. कारचे नुकसान केल्याने राग अनावर झाल्यानं शिवराम गंभीरे याने पंढरीच्याच हातातील कुऱ्हाड हिसकावून त्याला मारहाण करुन जीवे ठार मारले. रोशन भाऊराव नाडेकर याच्या फिर्यादीवरुन शिवराम गंभीरे याच्याविरोधात घोटी पोलीस ठाण्यात हत्येचा गुन्हा दाखल करण्यात आला असून, उपनिरीक्षक सुरेखा देवरे पुढील तपास करत आहेत.

Saksham Tate Murder : सक्षम ताटेला मारण्याआधी त्याच्या घराची रेकी, हत्येच्या दिवशीचं CCTV समोर; ‘त्या’ गल्लीत काय घडलं?

नाशकात दोन ग्रामपंचायत कर्मचारी जखमी

दुचाकीवरून जात असताना नायलॉन मांजा अडकून तालुक्यातील मुसळगाव ग्रामपंचायतीचे दोन कर्मचारी जखमी झाल्याची घटना गुरुवारी दि. 4 डिसेंबर रोजी सकाळी 10.15 वाजेच्या सुमारास घडली. या घटनेत एकाची डोळ्याची भुवई, तर दुसऱ्याचा हात कापला असून, मोठ्या प्रमाणात रक्तस्त्राव झाला आहे. गेल्या शनिवारीच दि. 29 नोव्हेंबर सिन्नर शहरात नायलॉन मांजाने युवक गंभीर जखमी झाल्याची घटना घडली होती. आठवडाभरात पुन्हा नायलॉन मांजामुळे दोघेजण जखमी झाल्याची घटना घडल्याने संताप व्यक्त केला जात आहे.

Amba Ghat Bus Accident : नेपाळहून कोकणात कामाला निघाले, सर्वजण साखरझोपेत, भरधाव बस 100 फूट खोल दरीत कोसळली; अंबा घाटात भीषण अपघात

मुसळगाव ग्रामपंचायत कर्मचारी विकी पोपट जाधव (वय 32) व जयेश खामकर (30) हे दोघे दुचाकीने गुरेवाडीकडून मुसळगावकडे सकाळी 10.15 वाजेच्या सुमारास जात असताना त्यांच्या दुचाकीला मांजा अडकला. त्यात विकी जाधव यांच्या डोळ्यावरची भुवई कापली गेली. त्याला बारा टाके घालण्यात आले, तर पाठीमागे बसलेल्या जयेश खामकर याचा डावा हात कापला गेला. नायलॉन मांजाने जखमा झाल्याने दोघांचा मोठ्या प्रमाणात रक्तस्राव झाला. त्यांनी तातडीने उपसरपंच सचिन शिरसाठ यांना घटनेची माहिती दिल्यानंतर ते घटनास्थळी रुग्णवाहिका घेऊन दाखल झाले. दोघांना उपचारासाठी सिन्नर येथील डॉ. चव्हाणके रुग्णालयात दाखल करण्यात आले होते. दोघांवर उपचार केल्यानंतर त्यांना घरी सोडून देण्यात आले.