जय पवार आणि उद्योजक प्रवीण पाटील यांची कन्या ऋतुजा पाटील यांचा विवाह परदेशात थाटामाटात पार पडणार आहे. ४ डिसेंबर ते ७ डिसेंबर या कालावधीत होणाऱ्या या शाही विवाह सोहळ्यासाठी सुमारे ४०० पाहुणे उपस्थित राहणार आहेत. विशेष म्हणजे शरद पवार, सुप्रिया सुळे ही घरची मंडळी या सोहळ्याला अनुपस्थित राहणार नसल्याचं बोललं जात आहे. तर अजितदादांचे सख्खे बंधू श्रीनिवार पवारही लग्नात सहभागी होणार नसल्याची माहिती आहे. मात्र नवदाम्पत्य युगेंद्र पवार आणि तनिष्का हे जय-ऋतुजाच्या लग्नाला जाणार असल्याची चर्चा आहे. याशिवाय राष्ट्रवादी काँग्रेसचे कार्यकारी अध्यक्ष प्रफुल्ल पटेल आणि महाराष्ट्र प्रदेशाध्यक्ष सुनील तटकरे यांसारखे प्रमुख राजकीय नेते यावेळी उपस्थित राहण्याची शक्यता आहे.

कोण आहेत जय पवार?

जय पवार हे अजित पवार आणि खासदार सुनेत्रा पवार यांचे धाकटे सुपुत्र आहेत. जय हे त्यांचे मोठे बंधू पार्थ यांच्याप्रमाणे सक्रिय राजकारणात नसले, तरी राष्ट्रवादी काँग्रेस पक्षात फूट पडल्यानंतर त्यांनी स्थानिक पातळीवर राजकारणात लक्ष घालण्यास सुरुवात केली होती. विशेषतः मातोश्री सुनेत्रा पवार यांनी २०२४ च्या लोकसभा निवडणुकीवेळी सुप्रिया सुळेंविरोधात रिंगणात उडी घेतल्यावर जय पवार प्रचाराला उतरले होते. पवार विरुद्ध पवार लढतीत जय यांनी आईची बाजू भक्कमपणे सांभाळून धरली.

पार्थ पवार २०१९ मध्ये लोकसभेला उतरले असतानाही जय पवार प्रचारात उतरले होते. तर गेल्या वर्षी झालेल्या विधानसभा निवडणुकीत वडील अजित पवार यांच्यासाठीही जय यांनी प्रचार केला होता. त्यांचा कल उद्योग-व्यवसायाकडे अधिक आहे. जय पवार यांनी काही काळ दुबईत व्यवसाय केला. सध्या मुंबई आणि बारामती येथे ते व्यवसाय सांभाळत असल्याचे बोलले जाते.
Solapur Crime : 12 वर्ष प्रेम, लग्न करुन 8 वर्ष सोबत राहिला, आता मुलीसोबत बोहल्यावर चढतोय; सोलापुरातील तृतीयपंथियाने व्हिडिओ करत आयुष्य संपवलं

ऋतुजा पाटील कोण आहेत?

ऋतुजा पाटील या व्यावसायिक प्रवीण पाटील यांच्या कन्या आहेत. त्यांच्या लिंक्डइन प्रोफाइलनुसार, त्यांनी मुंबई विद्यापीठातून मानसशास्त्राचे शिक्षण घेतले आहे. ऋतुजा यांनी FIDM लॉस एंजेलिस आणि ISDI मुंबई येथून डिजिटल मार्केटिंगमध्ये पदवी प्राप्त केली आहे. ऋतुजा यांनी ॲडफॅक्टर्स पीआर या जनसंपर्क फर्ममध्ये थोडा काळ काम केले. त्यानंतर त्यांनी वडिलांच्या एलिव्हेटएज कन्सल्टिंग ग्रुपमध्ये प्रवेश केला. ऋतुजा यांची बहीण पर्यटन क्षेत्रातील दिग्गज केसरी ट्रॅव्हल्स फेम पाटील कुटुंबाची सूनबाई आहे.

प्रवीण पाटील हे एक सुप्रसिद्ध व्यावसायिक आहेत. ते महाराष्ट्रातील सातारा जिल्ह्यातील फलटणचे रहिवासी आहेत. पाटील एलिव्हेटएज कन्सल्टिंग ग्रुप चालवतात, तसेच एक सोशल मीडिया कंपनी देखील सांभाळतात. २०२४ मध्ये अजित दादा आणि सुनेत्रा पवार यांच्या निवडणूक प्रचारात या कंपनीचा सहभाग होता. जय पवार आणि ऋतुजा पाटील यांची याच काळात ओळख झाली. त्यानंतर काही काळ ते एकमेकांच्या संपर्कात होते.
Crime News : प्रिय बायको… कधीतरी प्रेमाने बोलायचंस ना! पण आता दुसरं लग्न कर आणि… पोलिसाने आयुष्य संपवलं, शेवटच्या चिठ्ठीत काय?
जय पवार आणि ऋतुजा पाटील यांच्या विवाह सोहळ्याचे आयोजन बहारिनची राजधानी मनामा येथे होणार आहे. सर्व समारंभांचे आयोजन द रिट्झ-कार्ल्टन हॉटेलमध्ये केले जाईल. ५ डिसेंबर रोजी हळद, बारात आणि मुख्य विवाह सोहळा पार पडेल. ६ डिसेंबर रोजी दुपारच्या वेळी बीच गेम्सचे आयोजन केले जाईल. त्यानंतर संध्याकाळी संगीत कार्यक्रम होईल. ७ डिसेंबर रोजी ४०० पाहुण्यांसाठी आयोजित रिसेप्शनने चार दिवसांच्या उत्सवाची सांगता होईल.