बाळाचे पाय नेहमीच पाळण्यात दिसतात असं म्हटलं जातं. पण या चिमुकलीचे पाय नवव्या महिन्यातच चक्क पाण्यावर तरंगताना दिसले. केवळ अवघ्या नऊ महिन्याची असल्यापासून वेदाने रत्नागिरीच्या शासकीय जलतरण तलावात पोहायला सुरूवात केली. वेदा परेश सरफरे हिचा प्रवास अवघ्या १ वर्ष ९ महिन्यांची असताना इंडियन बुक ऑफ रेकॉर्ड पर्यंत पोहचला आहे. १०० मीटरचे अंतर १० मिनिटे आणि ८ सेकंदात पूर्ण करत वेदा भारतातील सर्वात लहान जलतरण पटू बनली आहे.
Ratnagiri News: दोन दिवसांत दोन विद्यार्थ्यांनी उचलले टोकाचे पाऊल; चिपळूणमध्ये खळबळ, नेमकं कारण काय?
नऊ महिन्याची चिमुरडी खरं तर तिचं ते रडण्याचं वय पण ती त्या वयात रडणं विसरून पोहणं शिकतं होती. वेदाचा मोठा भाऊ शासकीय जलतरण तलावात रोज सराव करतो. तोही राज्यस्तरीय स्पर्धेतही सहभागी झालेला आहे. रूद्रला घेऊन त्याची आई पायल सरफरे शासकीय जलतरण तलावावर येत होती. त्यावेळी तिच्या कंबरेवर बसून वेदा हे जलतरण तलावातील पोहणं पहायची.
Ratnagiri News: काळ आला होता पण वेळ नाही! मिनीबसचा विचित्र अपघात; रिव्हर्स घेताना पलटी झाली, 10 जण…
एक दिवस प्रशिक्षक महेश मिलके यांनी वेदाला पाण्यात सोडलं तेव्हा ती रडली नाही तर पाण्यावर हातपाय मारून तिने पाण्याशी दोस्तीच केली. हळूहळू ती पोहायला लागली. जलतरण तलावाच्या काठावरून पाण्यात डोकावताना तिचा आत्मविश्वास दिसून येतो. जिद्द आत्मविश्वास आत्मशक्तीचे बळ यांचा मेळ योग्यरित्या झाला की कोणतेही अवघड काम यशस्वी होऊ शकतं हेच यातून सिद्ध होते. रत्नागिरीच्या या चिमुकलीने जलतरण पटू होत सुरू केलेला हा प्रवास सर्वांना थक्क करणारा ठरला आहे.