समीर हमीद शेख (वय ४०) आणि सुनील गजानन शर्मा (वय ३४, दोघे रा. साईनगर, कोंढवा) अशी अटक आरोपींची नावे आहेत. त्यांच्याकडून औषधी गोळ्या व दुचाकी असा एक लाख ४७ हजार रुपयांचा मुद्देमाल जप्त करण्यात आला आहे. आरोपींविरोधात अमली पदार्थ प्रतिबंधक कायद्यानुसार खडक पोलिस ठाण्यात गुन्हा नोंदविला असून, न्यायालयाने आरोपींना दोन डिसेंबरपर्यंत पोलिस कोठडी सुनावली.

Cold Wave Alert: हुडीहुडी वाढणार! महाराष्ट्रासह ‘या’ राज्यांत 3 महिने कडाक्याची थंडी, IMDकडून अलर्ट जारी
खडक पोलिस ठाण्याचे कर्मचारी आशिष चव्हाण यांना मिळालेल्या माहितीच्या आधारे खडक पोलिसांच्या पथकाने २५ नोव्हेंबर रोजी मध्यरात्री दीडच्या सुमारास स्वारगेट येथील जेधे चौकात छापा टाकून आरोपींना जेरबंद केले. आरोपींच्या दुचाकीच्या डिकीत व कोंढवा येथील घराच्या झडतीत ६,८९९ गुंगीच्या गोळ्या सापडल्या. डॉक्टरांची चिठ्ठी आणि कोणताही परवाना नसताना उत्तर प्रदेशातील पुरवठादारांकडून कुरिअरने गुंगीच्या औषधांचा साठा दोघे आरोपी मागवायचे, असे प्राथमिक तपासात आढळले. त्यानंतर कोंढवा, कासेवाडी, हडपसर, कॅम्प, येरवडा परिसरात नशेसाठी या औषधांची विक्री करायचे, असे निष्पन्न झाले. सहायक निरीक्षक अर्जुन कुदळे तपास करीत आहेत.

रेल्वेप्रवाशांसाठी मोठी बातमी! 10 दिवसांचा मेगाब्लॉक, पुण्याहून सुटणाऱ्या अनेक ट्रेन्स रद्द, पाहा लिस्ट
ही कारवाई वरिष्ठ निरीक्षक शशिकांत चव्हाण यांच्या मार्गदर्शनाखाली निरीक्षक (गुन्हे) शर्मिला सुतार, मनोजकुमार लोंढे, सहायक निरीक्षक अर्जुन कुदळे यांच्या पथकातील पोलिस कर्मचाऱ्यांनी केली.

गुंगीच्या गोळ्यांची अंमली व्यसनासाठी बेकायदा विक्री अत्यंत धोकादायक आहे. उत्तर प्रदेशातून कुरिअरने ही औषधे मागविण्यात येत असल्याचे प्राथमिक तपासात निष्पन्न झाले आहे. या साखळीचा तपास सुरू असून, अशा बेकायदा औषध विक्रीवर कारवाई सुरू राहील. – शशिकांत चव्हाण, वरिष्ठ निरीक्षक, खडक पोलिस ठाणे