महाराष्ट्राच्या राजकारणात आज मोठ्या घडामोडी घडताना बघायला मिळत आहेत. रात्री दहा वाजता प्रचाराच्या तोफा थंडावणार आहेत. त्याआधी मोठ्या घडामोडी घडल्या आहेत.
चंद्रपूर जिल्ह्यातील मूल शहरात आज काँग्रेसची प्रचारसभा आकर्षक ठरली. कारण या प्रचारसभेत चक्क डान्सर गौतमी पाटील प्रचार करताना बघायला मिळाली. त्यामुळे या प्रचारसभेला मोठी गर्दी झालेली बघायला मिळाली. गौतमी पाटील हिचे राज्यात लाखो चाहते आहेत. त्यामुळे गौतमी पाटील प्रचार करताना दिसली तर तिच्या प्रचाराभोवती गर्दी होणं ही साहजिच आहे. चंद्रपूरच्या मूल शहरात आज अनेक जण गौतमी पाटील हिला काँग्रेसचा प्रचार करताना पाहून आश्चर्यचकीत झाले. सेलेब्रेटींच्या माध्यमातून याआधीदेखील प्रचार झाले आहेत.
गौतमी पाटील हिने मूल शहरात काँग्रेसच्या उमेदवार एकता समर्थ यांच्या प्रचारासाठी रोड शो केला. एका उघड्या जीपमधून गौतमी पाटील हिच्यासोबत काँग्रेसच्या नगराध्यक्षपदाच्या उमेदवार आणि नगरसेवक पदाचे नगरसेवक यांनी रोड शो केला. यावेळी गौतमी पाटील हिने मतदारांना काँग्रेसला मतदान करण्याचं आवाहन केलं.
‘आम्हाला खडसेंचं चॅलेंज नाही, ते 2019 मध्येच संपले’, शिवसेनेच्या संजना पाटील यांचं वक्तव्य
गौतमी नाकात नथणी आणि गळ्यात काँग्रेसचा गमछा परिधान करुन प्रचारात सहभागी झाली होती. मूलमधील दुर्गा माता मंदिरपासून तिचा रोड शो निघाला होता. यावेळी काँग्रेसच्या कार्यकर्त्यांकडून जोरदार शक्तीप्रदर्शन करण्यात आलं. गौतमी पाटील हिने सर्वांना हात दाखवत काँग्रेसला मतदान करण्याचं आवाहन केलं. यावेळी रोड शोमध्ये मोठी गर्दी जमा झाली होती. गौतमीने यावेळी तिच्या चाहत्यांसोबत फोटोदेखील काढले. गौतमी प्रचारात सहभागी झाल्याने रोड शो दरम्यान सर्वत्र उत्साहाचे आणि आनंदी वातावरण बघायला मिळाले.नाना पटोले यांच्याकडून महाराष्ट्राच्या राजकारणात भूकंप घडणार असल्याचे संकेत, बावनकुळे म्हणाले….
सुधीर मुनगंटीवार यांना आव्हान
भाजपचे ज्येष्ठ नेते सुधीर मुनगंटीवार यांच्या मतदारसंघातील मूल नगर परिषदेची निवडणूक पार पडत आहे. या नगर परिषद निवडणुकीत भाजप विरुद्ध काँग्रेस अशी थेट लढत आहे. या निवडणुकीत दोन्ही बाजूने प्रचंड ताकद लावली जात आहे. तसेच सुधीर मुनगंटीवार यांना संपूर्ण राज्यात चांगली ओळख असल्याने या निवडणुकीत त्यांची प्रतिष्ठा पणाला लागली आहे. काँग्रेसकडून भाजपचा पराभव करण्यासाठी वेगवेगळ्याप्रकारे मतदारांना मतदान करण्यासाठी आवाहन केलं जात आहे. त्याचाच एक भाग म्हणून काँग्रेसने निवडणुकीच्या प्रचारात थेट गौतमी पाटील हिला उतरवलं आहे. गौतमी पाटील हिच्या रोड शोला मूल शहरात चांगला प्रतिसाद देखील मिळताना बघायला मिळालं आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा