मयूर खुंटे या १९ वर्षीय तरुणाने आत्महत्या केल्याप्रकरणी भोर पोलिस ठाण्यात उपनिरीक्षक अनिल चव्हाण, संदीप सुतार आणि स्वप्नाली सुतार यांच्यावर गुन्हा दाखल करण्यात आला आहे. मयूरच्या वडिलांनी दिलेल्या तक्रारीनुसार, उपनिरीक्षक चव्हाण यांनी मयूरला पोलिस ठाण्यात बोलावून काठी आणि पट्ट्याने बेदम मारहाण केली होती. या मारहाणीत मयूरच्या अंगावर वळ उठले होते. वडिलांना जातीवाचक शिवीगाळ करून हाकलून दिल्याचेही फिर्यादीत म्हटले आहे. मयूरला इतकी मारहाण झाली होती की त्याला चालणेही कठीण झाले होते. पुणे महापालिका निवडणुकीत दोन राष्ट्रवादी एकत्र येण्याच्या चर्चा, वसंत मोरेंचा अजित पवारांना सत्तेतून बाहेर पडण्याचा सल्ला
आत्महत्येपूर्वी मयूरने एक सुसाइड नोट लिहिली होती. शवविच्छेदनादरम्यान त्याच्या कपड्यांमध्ये ही नोट सापडली. या नोटमध्ये त्याने अनिल चव्हाण आणि संदीप सुतार यांच्या त्रासामुळे आत्महत्या करत असल्याचे नमूद केले आहे. या घटनेनंतर मयूरच्या नातेवाईकांनी आणि आंबेडकरी चळवळीच्या कार्यकर्त्यांनी पोलिस ठाण्यात ठिय्या आंदोलन केले. पोलिसांनी तत्काळ कारवाई करावी आणि उपनिरीक्षक चव्हाण यांना निलंबित करावे, अशी मागणी आंदोलकांनी केली.
Pune News : पोलीस चौकीत बोलवत समज, दुसऱ्या दिवशी तरुणाने संपवलं जीवन, पुण्यातील भोरमध्ये वातावरण तापलं… प्रकरण काय?
पोलिस अधीक्षक संदीपसिंग गिल यांनी आंदोलकांशी संवाद साधून तपास करून तत्काळ कारवाईचे आश्वासन दिले. त्यानंतर मयूरचा मृतदेह शवविच्छेदनासाठी ससून रुग्णालयात नेण्यात आला. गुन्हा दाखल झाल्यानंतर नातेवाईकांनी मृतदेह ताब्यात घेऊन रात्री उशिरा अंत्यसंस्कार केले. कोल्हापूर परिक्षेत्राचे विशेष पोलिस महानिरीक्षक सुनील फुलारी यांनी या प्रकरणाची माहिती घेऊन तपासाच्या सूचना दिल्या आहेत. उपविभागीय पोलिस अधिकारी राजेंद्रसिंग गौर पुढील तपास करत आहेत.