इंडोगीसोबत शुभारंभ

मोठ्या विमान कंपन्यांनी NMIA ला महत्त्वाच्या मार्गांशी जोडण्याची तयारी केली आहे. इंडिगोची योजना सर्वाधिक चर्चेत आहे. कंपनी दर आठवड्याला 67 उड्डाणे देणार असली, तरी मे 2025 मध्ये जाहीर केलेल्या “दिवसाला 18 उड्डाणे आणि 15 शहरे” या मोठ्या घोषणेपासून ती सध्या दूर आहे. तरीही या कंपनीने दिल्ली, बेंगळुरू आणि हैदराबादसह 10 प्रमुख शहरांना सुरुवातीपासूनच जोडण्याचा निर्णय घेतला आहे, तसेच 29 ते 30 डिसेंबर दरम्यान तीन नवीन मार्ग (चेन्नई, कोयंबतूर, वडोदरा) सुरू होत आहेत.तीन नवे उड्डाणपुल, विमानतळाला थेट जोडणी; ठाणे-बेलापूर मार्गाचा होणार कायापालट, पाहा कुठून कुठे जोडणार

अकासा आणि एअर इंडियाचे प्लॅन

अकासा एअरने सुरुवातीला दिल्ली आणि गोवा-मोप्सा या फायद्याच्या मार्गांची निवड केली आहे. डिसेंबरअखेर कोची आणि एकमेव आठवड्याचे उड्डाण, अहमदाबाद, जोडले जाईल. त्यांच्या नेटवर्क प्लॅनिंगमध्ये स्पष्टपणे ‘हळूहळू वाढ’ ही रणनीती दिसते. एअर इंडिया एक्सप्रेस सर्वात उशिरा घोषणेसह मैदानात उतरली असली तरी बेंगळुरू आणि दिल्ली या उच्च मागणी असलेल्या मार्गांवर दररोज व आठवड्यातून 5 उड्डाणे देत प्रवेश करणार आहे. जानेवारीत त्यांच्या शेड्युलमध्ये वेगाने वाढ करून कंपनी दिल्लीसाठी आठवड्यात 12 उड्डाणांवर आणि बेंगळुरूसाठी दररोज दोन उड्डाणांवर जाण्याची तयारी करत आहे.

या सर्व घडामोडींमुळे NMIA हा मुंबईतील वाढत्या प्रवासी दाबाला कमी करणारा मोठा पर्याय ठरणार आहे. जास्तीत जास्त शहरे या नव्या विमानतळाशी जोडणे, स्लॉट्सची स्मार्ट विभागणी आणि टप्प्याटप्प्याने वाढ, यामुळे NMIA पुढील वर्षभरातच एक प्रमुख हब बनेल, अशी शक्यता तज्ज्ञ व्यक्त करत आहेत.