दोन दिवसांपूर्वी हा वक्ता सेमिनारसाठी महाविद्यालयाच्या कॅम्पसमध्ये आला होता आणि महाविद्यालयाने त्याची ‘अंतास’ फेस्टदरम्यान निवासाची व्यवस्था कॅम्पसमध्येच केली होती. विद्यार्थिनींच्या म्हणण्यानुसार, या वक्त्याने लपून त्यांचे फोटो काढले आणि चुकीच्या पद्धतीने स्पर्श केल्याचा गंभीर आरोप करण्यात आला आहे. हा प्रकार कॅम्पसमध्येच घडल्याचे विद्यार्थ्यांनी सांगितले.

Mumbai Crime : घरात सावत्र भावंडे, मालमत्तेवरुन तुफान राडा, अडसर ठरणाऱ्या सासूलाच संपवलं; तपासात धक्कादायक सत्य समोर

या आरोपांनंतर महाविद्यालयाने तत्काळ कारवाई करत, घटना घडलेली त्याच दिवशी त्या वक्त्याला महाविद्यालयातून बाहेर जाण्यास सांगितल्याची माहिती समोर आली आहे. मात्र, अद्याप पोलिसांत अधिकृत तक्रार नोंदवली नाही. त्यामुळे विद्यार्थ्यांनी आता महाविद्यालयातील प्राध्यापकांकडे त्वरित पोलिसांत तक्रार नोंदवण्याची मागणी केली आहे. टाइम्स ऑफ इंडियाने दिलेल्या माहितीनुसार, आझाद मैदान पोलिसांनी अद्याप एफआयआर नोंदवलेली नसल्याचे सांगितले आहे.

सेंट झेवियर्स महाविद्यालयाच्या प्राचार्या करुणा गोकर्ण यांनी सांगितले की, ही घटना सोमवारी घडली. त्या म्हणाल्या, “प्राथमिक चौकशीनंतर त्या वक्त्याला त्याच दिवशी कॅम्पस सोडून जाण्यास सांगितले. महाविद्यालय लैंगिक छळाविरुद्ध शून्य-सहनशीलतेची (zero-tolerance) भूमिका बाळगते. आमच्या विद्यार्थ्यांची सुरक्षितता ही आमची सर्वोच्च आहे. आम्ही ही माहिती त्यांच्या मूळ विद्यापीठालाही कळवली आहे.”

गोकर्ण पुढे म्हणाल्या, “विद्यार्थ्यांनी शुक्रवारी ICC कडे लेखी तक्रार दिली असून, आता सविस्तर चौकशी केली जाईल. चौकशी अहवाल त्याच्या मूळ विद्यापीठालाही पाठवला जाईल. तसेच, पोलिसांच्या चौकशीसाठी महाविद्यालय पूर्ण सहकार्य करेल.” महाविद्यालयाने पुढे सांगितले की, या घटनेनंतर भविष्यात महाविद्यालयात बोलावल्या जाणाऱ्या सर्व अतिथी वक्त्यांची सखोल पार्श्वभूमी तपासणी अधिक मजबूत करण्याचा निर्णय घेण्यात आला आहे.