नाशिकच्या भगूर येथे हा प्रकार उघडकीस आला आहे. बुधवारी (26 नोव्हेंबर) ला नाशिकच्या भगूर मध्ये सुकापूर पेठेत ही घटना घडली आहे. राहुल रावत (मूळ रा.गाव – सरिया तोल,जिल्हा सतना,राज्य मध्य प्रदेश) हा त्याची पत्नी आणि तिच्या 6 वर्षांच्या मुलीसोबत येथे राहत होता. संशियित राहुल हा मोलमजुरीची कामे करून उदरनिर्वाह करतो. बुधवारी घरात मुलीच्या अज्ञात पणाचा फायदा घेऊन त्याने तिला दारू पाजली. त्यानंतर तिच्या शरिराला अयोग्य पद्धतिने स्पर्ष करून तिचा लैंगिक छळ केला.

Mumbai Crime : कुर्ल्यामध्ये पहाटे बस स्थानकावर थांबलेल्या विद्यार्थ्यासोबत केलेल्या ‘त्या’ कृत्यामुळे न्यायालयाकडून तीन वर्षांची शिक्षा

मुलीच्या आईने हा प्रकार बघताच तिने लगेच पतीला जाब विचारला आणि मुलीला घेऊन देवळाली कॅम्प पोलीस ठाण्यात धाव घेतली. तिथे जाऊन तिने संशयित राहुल विरोधात तक्रार नोंदवली. नोंदवलेल्या तक्रारी नुसार राहुल बब्बु रावत याच्यावर देवळाली पोलीस ठाण्यात गुन्हा नोंदवला गेला आहे. त्यानंतर पोलिसांनी तात्काळ संशयित राहुल रावत याला बेड्या ठोकल्या असून त्याच्या विरुद्ध पोक्सो कायद्या अंतर्गत गुन्हा दाखल करण्यात आला आहे.

अंधेरीमध्ये मॉडेलने केले ब्लॅकमेल

दरम्यान अंधेरीमध्ये ही एक धक्कादायक प्रकार उघडकीस आला आहे. अंधेरी पोलिसांनी एका ३१ वर्षीय संघर्षशील मॉडेलला ड्रग्ज देणे, ब्लॅकमेल करणे आणि तिच्या २२ वर्षीय महिला कर्मचाऱ्याचे अश्लील फोटो आणि व्हिडिओ रेकॉर्ड केल्याच्या आरोपाखाली अटक केली आहे. पोलिसांनी शोधून काढले आहे की आरोपी तरुणींना मार्केटिंग नोकरीचे आमिष दाखवून बनावट व्यवसाय चालवत होता.

अंधेरी येथे राहणाऱ्या आरोपीने जेबी नगर येथील एका लॉजमध्ये एक खोली भाड्याने घेतली होती आणि ती तिचे ‘कार्यालय’ असल्याचा दावा करत होती. ती अनेक दिवसांपासून लॉजमधून काम करत होती आणि ‘गरम मसाला’ उत्पादनांचे मार्केटिंग आणि विक्रीचा व्यवसाय करत असल्याचे भासवत होती. पीडिता, एक महाविद्यालयीन विद्यार्थिनी, अर्धवेळ काम शोधत होती, तिने ऑनलाइन जाहिरातीद्वारे नोकरीसाठी अर्ज केला आणि निवड झाल्यानंतर लगेचच ती रुजू झाली.